O venres celebrarase ademais a II Festa dos Callos a partir das 21:00 horas, organizada pola SD Candelaria
Cervo, 29 de xaneiro de 2025. A parroquia de Rúa celebrará as festas da Candelaria a fin de semana do 31 ao 2 de febreiro.
A cita foi presentada pola rexedora, Dolores García Caramés, polos membros da Comisión de Festas, Kevin e Roberto Balseiro, e por Míriam Villarquide, en representación da SD Candelaria, que celebrará o venres, 31, a II Festa dos Callos, que precederá ás actuacións da París de Noia, á Orquestra La Tremenda e á Discomóbil Conxuro.
Os tíckets, por un prezo de 12 euros por persoa, xa se poden adquirir en diferentes establecementos hostaleiros de toda A Mariña. O evento gastronómico está previsto para as 21:00 horas, e celebrarase nunha carpa pechada e climatizada, adaptada a posibles contratempos meteorolóxicos.
A Festa continuará o sábado, 1 de febreiro, cunha misa solemne dan man do coro de Cervo ás 12:30 horas seguida de procesión e dunha sesión vermú a cargo da Orquestra Compostela; que repetirá á noitiña coa Orquestra Metrópolis e a Discomóbil Conxuro.
Xa o domingo, día da patroa, a misa solemne será ás 13:00 horas, cunha macro sesión vermú a cargo do Grupo Fénix.
A alcaldesa quixo poñer en valor o traballo da Comisión de Festas e tamén da SD Candelaria por conseguir organizar unhas festas que se prevén espectaculares, e destacou o orgullo que xera como alcaldesa “ver á mocidade tan involucrada e traballando con tanto esforzo, enerxía e entusiasmo para facer destas festas un evento especial para todos”.
Para o Concello é unha honra poder colaborar na celebración destes festexos –engadiu- que “reflicten ademais o compromiso das novas xeracións coas nosas tradicións, tan arraigadas”.
O Concello de Cervo convida a toda a veciñanza e visitantes a destrutar das primeiras festas patronais do ano, na honra á Virxe da Candelaria, que se prolongarán durante toda a fin de semana, cun programa repleto de actos.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
