Os concelleiros do Grupo Municipal Popular esixen “controlar debidamente as labores de mantemento do campo da Magdalena que permitan darlle uso en condicións de seguridade aos usuarios e usuarias”
Vilalba, 20 de xaneiro de 2025. “Deplorable” é o estado do terreo de xogo do estadio municipal A Magdalena. Os concelleiros do PP de Vilalba fan públicas as queixas dos vilalbeses e vilalbesas, especialmente os afeccionados ao fútbol que apoian ao equipo local, o Racing Club Villalbés.
Os populares afean que “o goberno municipal de PSOE e Vilalba Aberta deixe á súa sorte o estado das instalacións deportivas municipais”. De feito, lembran que “unha das súas funcións é a xestión deste tipo de instalacións que no seu momento destacaban polo seu bo estado, por ser un referente no seu ámbito e, polo tanto, ofrecer un bo servizo aos vilalbeses e unha boa imaxe aos visitantes”.
O mal estado do terreo do xogo afecta, principalmente, aos seus usuarios; pero tamén supón un prexuízo para Vilalba e os vilalbeses en xeral toda vez que “non se están a conservar instalacións municipais que forman parte do patrimonio do Concello” e, polo tanto, “de tódolos vilalbeses e vilalbesas”.
O Partido Popular xa denunciara o abandono e falta de xestión por parte do goberno municipal o pasado mes de outubro: “o estado do estadio municipal da Magdalena é moi deficiente debido á falta dun mantemento adecuado do terreo de xogo, a pesar de que o Concello dirixe 4.000 euros ao mes para o coidado da Magdalena, pero sen controlar os traballos”. É dicir, “Vilalba dispón dunha instalación deportiva que, pola falta de mantemento, non serve para o que foi deseñada”.
Os concelleiros do Grupo Municipal Popular esixen “controlar debidamente as labores de mantemento do campo da Magdalena que permitan darlle uso en condicións de seguridade aos usuarios e usuarias”.
APARCAMENTO
Así mesmo, fanse eco das queixas polo mal estado da explanada que serve de aparcamento para os coches no entorno da Área Recreativa e piden “unha actuación de mellora”. Neste caso, “só sería necesario un pouco de interese por parte do goberno municipal” que “prefire publicar fotos e vídeos en lugar de xestionar as competencias que lle corresponden”.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
