A voceira, Mariña Gueimunde, subliña que “a creación de áreas específicas para mascotas en puntos estratéxicos do municipio non só beneficiará aos propietarios dos animais, senón que tamén fomentará unha mellor convivencia entre veciños”
Viveiro, 29 de xaneiro de 2025. Os concelleiros do PP de Viveiro solicitarán ao bipartito PSOE-BNG no vindeiro Pleno que habilite espazos para mascotas no municipio xa que se observa unha carencia de lugares habilitados especificamente para o recreo das mesmas, tanto no casco histórico como nos núcleos máis importantes.
A portavoz, Mariña Gueimunde, explica que “a área de Medio Ambiente que dirixe o BNG impulsou unha ordenanza municipal de convivencia, limpeza e residuos pero nin habilitou espazos para que os donos dos animais poidan cumprir esas normas nin o Concello dispón de Policía Local que vixíe o seu cumprimento. É cuestión de lóxica que primeiro se habiliten espazos”, incide. Ademais, “a creación de parques para cans nos tres núcleos urbanos do municipio era un dos puntos do acordo programático entre PSOE e XViveiro”.
“A creación de áreas específicas para mascotas en puntos estratéxicos do municipio non só beneficiará aos propietarios dos animais, senón que tamén fomentará unha mellor convivencia entre veciños, reducindo conflitos polo uso indebido doutros espazos públicos. Ademais, estas zonas poden contribuír a potenciar unha imaxe moderna, inclusiva e sostible de Viveiro, promovendo valores como o respecto polos animais e o coidado do entorno”, subliña a voceira do PP local, Mariña Gueimunde.
Nas parroquias, que contan con amplas zonas verdes e se ubican no entorno rural, a regularización e habilitación destes espazos non supón un problema a priori. Sen embargo, nas da trama urbana, como Covas ou Celeiro, a situación xa comeza a complicarse, para converterse en grave e preocupante no corazón de Viveiro, pola súa condición histórico-artística que require unha especial protección.
PROPOSTA DE ACORDO
A través desta iniciativa, os populares instan ao Concello a realizar un estudo técnico para identificar e avaliar as ubicacións máis adecuadas para habilitar espazos para mascotas no casco urbano de Viveiro e nos núcleos máis importantes do municipio, prestando especial atención ás inmediacións do casco histórico para, así, evitar o seu deterioro e xerar unha imaxe atractiva e salubre para cantos visitan e habitan no lugar.
E, tamén, piden ao Concello de Viveiro deseñar e acondicionar áreas específicas para mascotas, que inclúan os seguintes elementos: espazos valados e seguros; zonas diferenciadas, se é posible, para animais de diferentes tamaños; papeleras e dispensadores de bolsas para a recollida de excrementos; elementos que favorezan a actividade física e o recreo das mascotas.
Así mesmo, propoñen que o Concello promova campañas de sensibilización dirixidas aos veciños, para fomentar o uso responsable destas áreas e garantir a convivencia cívica nos espazos habilitados.
E tamén que o Concello inclúa unha partida orzamentaria nos próximos exercicios económicas para a execución e mantemento destas áreas, asegurando a súa sostibilidade a longo prazo. E coordinar as accións necesarias coas asociacións locais e colectivos de protección animal, así como cos veciños, para recoller propostas e garantir que os espazos habilitados respondan ás necesidades reais da comunidade.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
