Xove, 10 de febreiro de 2025. O Centro Cívico de Xove acolle desde hoxe e ata o vindeiro 12 febreiro as Xornadas Formativas de Turismo Ornitolóxico, un encontro de carácter gratuíto que ten como obxectivo mellorar as capacitacións para impulsar A Mariña como destino turístico para o estudo e avistamento de aves.
O acto de inauguración contou coa presenza da presidenta da Mancomunidade de Concellos da Mariña Lucense, Rocío López; o alcalde de Xove, Demetrio Salgueiro; e a directora de Promoción de Turismo de Galicia, Carmen Pita.
Tal como explicou a presidenta da Mancomunidade “esta iniciativa busca ampliar e asentar coñecementos e habilidades arredor do turismo ornitolóxico, un dos grandes activos deste territorio, e a formación é fundamental para contar con persoal con capacidade de atender a demanda tanto do público xeral coma do especializado, e poder así desenvolver produtos turísticos sostibles e atractivos”.
Nesta liña, lembrou que a formación que se desenvolve estes días en Xove forma parte dun ambicioso plan impulsado pola Mancomunidade en colaboración con empresas especializadas “para a posta en valor e divulgación do patrimonio ornitolóxico no territorio”.
Formación especializada
Un total de 36 persoas procedentes da Mariña, doutras partes de Galicia e tamén de Asturias participan neste encontro. Trátase, sobre todo, de perfís de profesionais que son guías oficiais, técnicos de turismo, xerentes e empregados de aloxamentos turísticos, axentes de viaxes, asesores de ornitoloxía, técnicos de medio natural e paisaxismo, fotógrafos e técnicos de empresas de educación ambiental, ocio e tempo libre, entre outros.
A través desta formación os participantes teñen a oportunidade de mellorar as súas capacidades para atender á demanda neste eido, así como desenvolver produtos turísticos atractivos e respectuosos coas especies e os seus hábitats, contribuíndo ao desenvolvemento local sostible.
Programa das xornadas
As xornadas contan cun completo programa de charlas e conferencias de profesionais, como ornitólogos, técnicos de turismo, divulgadores, investigadores, biólogos ou educadores ambientais, que ofrecerán aos asistentes as claves para crear e xestionar de maneira sostible os destinos vinculados á ornitoloxía.
Ademais, realizaranse visitas guiadas para a observación de aves e lugares de interese na costa Oriental e na Occidental da Mariña, ofrecendo así unha oportunidade única para poñer en práctica moitos dos coñecementos adquiridos e avaliar de primeira man os recursos do territorio.
Consulta o programa completo aquí:
https://amarinalucense.gal/gl/novas/jornadas-formativas-en-turismo-ornitologico-de-a-marina-lucense
Destino ornitolóxico
Estas xornadas son un paso máis na aposta da Mancomunidade de Concellos da Mariña Lucense por impulsar este territorio como destino de turismo ornitolóxico, para o que está a traballar, en colaboración con empresas especializadas, na ampliación da información divulgativa sobre a diversidade de aves e ecosistemas existentes no territorio dirixida a aqueles viaxeiros interesados na práctica deste tipo de ecoturismo. Este plan inclúe a instalación de diferentes totems informativos de baixo impacto paisaxístico en áreas representativas a nivel ornitolóxico do xeodestino, así como a publicación de material divulgativo da Mariña como destino de turismo ornitolóxico.
Nesta liña, a Mancomunidade acollerá do 28 ao 30 de marzo o encontro NatureWatch A Mariña Lucense, un evento de proxección nacional especializado en ecoturismo e observación da natureza que reunirá a participantes nacionais e internacionais.
Estas accións están promovidas pola Mancomunidade de Concellos da Mariña Lucense no contexto do Plan de Sostibilidade Turística na Mariña Lucense 2022-2024, cofinanciado pola propia Mancomunidade, a Xunta de Galicia e a Secretaría de Estado de Turismo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
