O senador popular formulará unha pregunta a Jordi Hereu este martes 11 de febreiro no Pleno da Cámara Alta
Lugo, 10 de febreiro de 2025. O senador do PP por Lugo, José Manuel Barreiro, formulará este martes ao Goberno de Sánchez no Pleno da Cámara Alta unha pregunta para que o Executivo aclare a súa posición respecto á instalación dunha biofábrica de fibras téxtiles, un proxecto do grupo Altri, en Palas de Rei.
O lucense e viceportavoz do Grupo Popular no Senado dirixirase ao ministro de Industria, Jordi Hereu, na sesión plenaria desta semana para que “explique claramente cal é a postura do Goberno” e, polo tanto, “evitar calquera tipo de interpretación”.
Os senadores xa formularon preguntas para saber se o Goberno de Sánchez comparte ou non opinión do secretario xeral dos socialistas galegos, José Ramón Gómez Besteiro, que aseguraba que non cumpría os requisitos para recibir axudas europeas e da señora vicepresidenta segunda e líder de Sumar, Yolanda Díaz, que se opón á instalación desta industria en Galicia.
O Executivo indica, en resposta oficial por escrito, que “a avaliación que faga o Ministerio de Industria y Turismo de calquera proxecto que se presente esixirá o cumprimento da normativa española e europea”. Así mesmo, o Goberno responde que “traballa para favorecer a atracción de novos proxectos industriais de alto valor engadido que cumpran de forma estrita a normativa medioambiental e a lexislación en materia de axudas e subvencións estatais e europeas”.
Barreiro explica que “o que vén a dicir o Goberno de España, como non pode ser doutro xeito, é que calquera proxecto debe cumprir a normativa e a lexislación vixente”.
O senador popular lembra que “dende o Partido Popular sempre defendemos que teñen que ser os técnicos os que determinen se cumpre ou non coa normativa. No caso de cumprir estritamente os requisitos que recolle a normativa aplicable as administracións deberán apoiar o proxecto e senón, non”. Nese sentido, subliña que “basear o apoio ou non dunha administración pública a un proxecto en base a criterios doutro tipo como, por exemplo, os ideolóxicos, sería prevaricar”, conclúe.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
