Pilar García Porto anunciou a licitación tamén do contrato para a conservación da rede viaria provincial ao seu paso por 53 concellos, e avanzou que para o resto de municipios, os da Montaña, se fará a parte “porque a orografía fai necesarias unhas condicións diferentes”
Lugo, 14 de febreiro de 2025. A Xunta de Goberno da Deputación de Lugo aprobou este venres dar luz verde a un novo investimento de máis de 5M€ para mellorar a mobilidade na nosa provincia. Así o informou a Voceira socialista do Goberno, Pilar García Porto, quen detallou que, por unha parte se licitaron os proxectos para rehabilitar o firme de dúas estradas provinciais na Mariña e na Montaña; e por outra, o contrato para a conservación da rede viaria provincial ao seu paso por 53 concellos.
Os proxectos aprobados para a mellora de dúas vías provinciais forman parte do Plan de Estradas. Na Mariña quedaron licitados os traballos de rehabilitación do firme dun treito de preto de 3 quilómetros da LU-P-5207, que une o núcleo urbano de Ribadeo con Vilela. Neste caso as obras afectarán ao tramo que vai do punto quilométrico 3,400 ó 6,277 e consistirán na reapertura de cunetas, pavimentación con aglomerado en quente e renovación da sinalización.
O prezo de licitación é de 286.984,90€ e o prazo de execución será de 3 meses unha vez iniciados os traballos. Explicou García Porto que esta actuación virá a complementar a que xa acometeu a Deputación recentemente, por máis de 400.000€, ao inicio da vía, no tramo que corre paralelo ao campo de fútbol municipal ata a ponte de Feve.
Na Montaña, licitáronse as obras de mellora dun tramo da LU-P-3601, que é a estrada que conecta os concellos de Negueira de Muñiz e A Fonsagrada polo Acebo e que descorre no límite con Asturias. Neste caso as obras afectarán ao tramo que vai do punto quilométrico 2,384 ó 10,250 e consistirán na reapertura de cunetas, execución dun espazo de paso para os peóns dun metro 20 centímetros de ancho, pavimentación con aglomerado en quente e reposición da sinalización.
O prezo de licitación neste caso é de 301.812,83€ e o prazo de execución será de 3 meses unha vez iniciados os traballos. Tamén neste caso, estas actuacións dan continuidade a un proxecto anterior da Deputación que, con preto de 80.000€, executou no tramo anterior melloras na drenaxe, no firme e a instalación dun espazo para a circulación dos peóns.
Máis de 4,6M€ para a conservación de estradas
Licitado ademais, na Xunta de Goberno, o contrato de conservación da rede viaria provincial ao seu paso por 53 concellos. En concreto, a Deputación aprobou investir 4.694.886,65€ na licitación das tarefas de conservación das zonas correspondentes con 5 lotes dos 8 nos que se divide a rede provincial.
“Nas vindeiras Xuntas de Goberno licitaranse os traballos para o resto das vías, que son aquelas que pertencen ás zonas de Montaña, para completar os 4.217 quilómetros que conforman a rede de estradas coa que conta a Deputación”, avanzou García Porto, que explicou que “nesta ocasión propuxemos licitar a parte os lotes das zonas de Montaña porque a orografía destes concellos fai necesarias unhas condicións diferentes na prestación do servizo”.
A duración do contrato licitado este venres para a conservación da rede viaria será de dous anos, con posibilidade de prórroga por outro máis.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
