Antonio Ameijide explica que esta estrada provincial conta cunha elevada densidade de circulación, xa que conecta o núcleo do municipio con San Miguel de Negradas, polo que non se poden descoidar tarefas de mantemento básicas como o desbroce ou a limpeza de cunetas
Lugo, 17 de febreiro de 2025. Os deputados do Grupo Provincial Popular piden ao Goberno provincial de PSOE e BNG “maior preocupación” polas estradas provinciais no Vicedo, un dos municipios máis turísticos da provincia e que conta con numerosas praias de gran beleza e riqueza natural que congregan a miles de turistas todos os anos.
Neste senso, os deputados provinciais, Antonio Ameijide e Demetrio Salgueiro, xunto ao alcalde do Vicedo, Jesús Novo, comprobaron o estado da estrada LU-P-6404 (de Vicedo a San Roque), cara San Miguel de Negradas, que precisa ser renovada, así como a realización periódica das labores de mantemento como o desbroce.
O voceiro provincial popular, Antonio Ameijide, insiste na necesidade de renovar esta vía xa que, sobre todo nos meses de verán, conta cunha elevada densidade de circulación. “É preciso renovar o firme, así como desbrozar e limpar as cunetas xa que a auga corre pola estrada, polo que aumenta o desgaste do firme e, como consecuencia, tamén diminúe a seguridade”, explicou.
MANTEMENTO DE TODA A LU-P-6405
Antonio Ameijide aproveita para agradecer o investimento previsto na LU-P-6405, no Vicedo, pero insiste en que “é preciso revisar ben as estradas provinciais, xa que, pese a ser necesaria esta actuación, hai puntos desta vía que precisan de actuacións urxentes para garantir a seguridade”, unha situación que “non é descoñecida para o goberno de PSOE e BNG porque os propios veciños recolleron sinaturas e o propio Concello do Vicedo acordou en pleno, o 20 de novembro de 2020, dirixirse á Deputación de Lugo para acometer esta actuación o antes posible”.
Neste senso, o voceiro propvincial popular urxe a mellorar esta vía provincial “na súa totalidade non só para facer máis cómodo o acceso para os condutores, senón dotando a vía de máis seguridade para os centos de peóns que por ela circulan tamén no verán”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
