O líder socialista animou a todos os galegos e galegas a unirse mañá en Santiago na manifestación “en favor da nosa lingua, que temos que protexer e preservar”
A Fonsagrada, 22 de febreiro de 2025. O secretario xeral do PSdeG e portavoz do Grupo Socialista no Parlamento de Galicia, José Ramón Gómez Besteiro, animou hoxe desde A Fonsagrada a todos os galegos e galegas a unirse á manifestación a prol do galego que mañá terá lugar en Santiago. Trátase dun acto “que non vai contra ninguén, senón a favor do noso idioma, que temos que protexer e preservar”, asegurou.
Besteiro trasladou a importancia de potenciar o uso “do noso sinal de identidade máis íntimo”, como é o idioma propio, durante a súa visita á 28.ª Feira do Butelo, que esta fin de semana se celebra na localidade lucense. Tras o percorrido polos postos instalados na praza do Concello, destacou a importancia “da economía que se move en torno á gastronomía” en eventos que exaltan, en especial, os produtos de proximidade, “o que temos ao lado da nosa casa”.
Sinalou, nese senso, que o Grupo Socialista acadou esta mesma semana o voto unánime das formacións políticas con presenza no Parlamento de Galicia a unha iniciativa que ten como obxectivo primar os produtos locais nas contratacións públicas. O obxectivo é que os produtos de quilómetro cero “estean nos servizos públicos” que presta a Xunta de Galicia.
A iniciativa insta á Xunta a adoptar medidas concretas para garantir que os produtos de proximidade sexan prioritarios na contratación para colexios, hospitais e residencias, xa que a contratación pública representa preto do 20 % do PIB galego e constitúe unha ferramenta clave que podería empregarse para fortalecer a economía local, mellorar a calidade alimentaria e reducir o impacto ambiental. Reverteríase así a falta dunha estratexia clara por parte do Goberno galego nesa materia.
Ao tempo, esa aposta polos produtos de quilómetro cero non só repercutiría na economía a nivel local, senón que tamén se trata dunha cuestión de responsabilidade social e ambiental, con beneficios para os produtores galegos e galegas e para o medio.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
