Representantes municipais de todo o Estado reuníronse coa Secretaría de Estado de Turismo e o Ministerio de Agricultura, Pesca e Alimentación para avanzar no proxecto
Burela, 25 de febreiro de 2025. O concelleiro do Mar e Turismo de Burela, Ramiro Fernández Rey, e o xerente da Fundación Expomar, José Manuel González, xunto con outras entidades públicas e privadas, participaron nunha reunión na sede do Ministerio de Turismo en Madrid para analizar o estado actual do proxecto da Rede Nacional de Turismo Pesqueiro.
No encontro estiveron presentes representantes da Secretaría de Estado de Turismo e do Ministerio de Agricultura, Pesca e Alimentación. Durante a sesión, realizouse unha avaliación dos avances do proxecto, así como dos obxectivos pendentes ata a súa finalización en xuño de 2025. Tamén se abordaron as posibles vías de colaboración institucional para garantir a continuidade da rede máis aló do seu período de execución.
O concelleiro Ramiro Fernández Rey destacou a importancia desta reunión para analizar o progreso da iniciativa e recibir asesoramento técnico por parte dos ministerios implicados. “Foi unha reunión moi positiva, na que expuxemos as nosas inquedanzas e recibimos asesoramento do Ministerio. Quédanos traballo por diante ata xuño, cando remata o proxecto, pero seguimos avanzando”, sinalou
Ademais, o concelleiro subliñou a relevancia de Burela dentro desta rede nacional, facendo fincapé no potencial do seu porto e dos servizos relacionados co turismo mariñeiro e pesqueiro.
“O noso obxectivo é seguir poñendo en valor o noso porto e atraer cada vez a máis visitantes. Cremos firmemente no turismo pesqueiro como motor de desenvolvemento para Burela”, destacou
Outro dos puntos tratados foi a posta en marcha da páxina web da Rede Nacional de Turismo Pesqueiro, que xa está operativa e á que se están adherindo novas empresas e proxectos. A plataforma funcionará como un espazo de referencia para a promoción deste tipo de turismo en España.
“É unha ferramenta clave para dar visibilidade a este tipo de turismo en España e Burela ten que estar ben posicionada nela”, concluíu Fernández Rey.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
