Os populares piden que “o rexedor nacionalista dea máis explicacións á oposición nos anos que quedan de mandato: que nos explique punto por punto os gastos que xera no Concello”
Muras, 26 de febreiro de 2025. O PP de Muras insta ao alcalde a levar a Pleno o pago de facturas a provedores e ofrece a súa abstención para favorecer que autónomos e pequenas empresas cobren o que lles está a deber o Concello “sempre e cando o rexedor nacionalista dea máis explicacións á oposición nos anos que quedan de mandato: que nos explique punto por punto os gastos que xera no Concello”.
A voceira dos populares de Muras, Eugenia Requeijo, subliña que “adoptamos esta decisión responsable e consensuada con todo o equipo do Partido Popular de Muras” porque “somos sensibles coa situación de autónomos e pequenas empresas que sofren a mala xestión económica do alcalde e do seu goberno” e por iso “ofrecemos a nosa abstención para que poidan cobrar polos seus traballos”.
A popular explica que “non podemos votar a favor do pago das facturas porque non podemos apoiar as irregularidades do alcalde”. É que “algunhas delas correspóndense con servizos encargos a dedo” cando se deberían “sacar a concurso público” como recolle a Lei de Contratos do Sector Público.
E recorda que “xa pedimos en numerosas ocasións que o alcalde se sentase con todos os membros da corporación para que explicase os detalles dos gastos, pero a día de hoxe segue negándose a sentarse a dialogar”.
Eugenia Requeijo incide en que “o alcalde é o máximo responsable de acumular facturas sen pagar”, unha situación que se debe “a que non tiña previsto partidas orzamentarias para estes gastos. Se tivera ben deseñado o orzamento e aprobado tódolos anos este instrumento básico para a xestión económica de calquera Concello, disporía de partidas orzamentarias suficientes para pagar as facturas. Pero non o fixo dispoñendo dun goberno con maioría nin cun goberno en minoría, unha condición que require dialogo e consensos”.
Os populares critican, nese sentido, que “o goberno municipal do BNG non presentou os presupostos para o 2024 e xa comezou o 2025 e tampouco levou a Pleno ningunha proposta para este ano”.
A portavoz do PP local pon como exemplos da mala xestión económica “o fraccionamento en tres facturas do pago por facer o inventario de bens municipais” cando “a Administración non pode fragmentar facturas por un mesmo traballo” ou a perda de subvencións por “non cumprir prazos”.
Eugenia Requeijo condena “a total falta de capacidade do alcalde nacionalista para dialogar. Só quere impoñer a súa vontade como se fora un Deus”. E engade que “o rexedor do BNG nunca entendeu que os gobernos en minoría deben dialogar cos distintos grupos da oposición para tratar de chegar a acordos. A forma de gobernar deste alcalde deixa claro que o que menos lle importa é Muras e os seus veciños e veciñas”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
