Ribadeo, 27 de febreiro de 2025. Hoxe seguiu en Burela, na Casa da Cultura, o ciclo de charlas da FCAM sobre o futuro laboral na Mariña lucense. Están destinadas aos estudantes de FP aos que lles queren insistir en que “aquí hai futuro, que hai moita demanda de man de obra por parte das empresas, e que tamén nesta comarca é posible emprender”.
Preto de 100 alumnas e alumnos do IES Monte Castelo dos ciclos superiores de ensinanza e animación sociodeportiva e química e saúde ambiental e CAE (auxiliar de enfermería) e do IES Perdouro de CS mecatrónica industrial, CM mecanizado, CM peiteado e cosmética capilar, FPB servizos administrativos e FPB mecanizado asistiron esta mañá á charla, que se desenvolveu na Casa da Cultura. Na cita participaron Iván Marrube, CEO e Reyco; Roberto Díaz, un dos propietarios de Talleres Cardi; e Raquel Hermida, directora executiva da Axencia de Colocación de Academia A Mariña.
Os tres conferenciantes subliñaron que A Mariña é unha comarca con moitas potencialidades, que os salarios e os traballos que aquí se poden atopar reúnen as mesmas condicións que os empregos aos que se pode acceder en grandes cidades. E incidiron en que a calidade de vida da Mariña non é comparable a ningún outro lugar de España. Iván Marrube comentou que “a mente non ten cancelas” y que “máis vale acción que percepción”. E subliñou que tamén é posible emprender nas propias empresas”. Roberto Díaz aludiu “á obsesión por traballar e por aprender” así como á relación que se establece entre empresario e traballador: “é importante que todos aportemos, que haxa unha comunicación fluída, que sexamos coma unha familia”. E Raquel Hermida referiuse á importancia da orientación laboral e da formación para seguir medrando como profesionais e como persoas: “es necesario formarse para crecer como personas y como profesionales” e dixo que “A Mariña es foco de salud, bienestar y trabajo”.
A presidenta da FCAM agradeceu a posibilidade de falar ante o alumnados dos IES Perdouro e Monte Castelo sobre o futuro laboral na Mariña lucense: “grazas pola vosa asistencia e por permitirnos achegar este ciclo de charlas aquí. Grazas ao Concello de Burela por cedernos a Casa da Cultura, así como ao seu director pola acollida e a Beatriz Trigo, dinamizadora da relación con empresas na FP polo seu traballo, implicación e colaboración”.
As charlas de FCAM seguirán nos vindeiros meses pola Mariña luguesa achegando as experiencias de vida profesionais e persoais d@s conferenciantes ao alumnado dos centros de ensino.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
