Ribadeo, 3 de marzo de 2025. Acisa e o Ribadeo FC únense para poñer en marcha unha nova campaña na que sortearán 800 euros en vales de compra.
A presidenta de Acisa, Carmen Cruzado, explicou que “con esta campaña o Ribadeo FC pretende recadar fondos para a súa entidade e Acisa premiar aos gañadores do sorteo con vales de compra para poder usar no comercio e na hostalaría asociados. Para participar é necesario comprar algunha das rifas que dende o Ribadeo FC poñerán á venda esta semana, tras a celebración do Antroido. É importante destacar que os ingresos producidos pola venda das rifas son integra e exclusivamente para o Ribadeo FC. O prezo é de 2 euros. As editadas están numeradas do 1 ao 5.000. Queda reservado á organización o dereito de ampliar o número de rifas editadas para a realización do sorteo en caso de que as ventas sexan exitosas. As rifas poderán mercarse ata o 11 de maio”.
O xerente de Acisa, Jesús Pérez, indicou que “as rifas que se poñen á venda estarán formadas por dúas partes, que deben conservarse ata os días dos sorteos. Unha parte estará sinalada como parte a depositar na urna e outra como parte a conservar. Durante o partido do Ribadeo FC contra o Sofán, na ultima xornada de liga, no estadio municipal Pepe Barrera as persoas que teñan rifas para o sorteo poderán depositalas na urna instalada alí mesmo. E deberán gardar a parte a conservar para poder participar e comprobar se foron agraciados. Do mesmo xeito deberán conservar esa metade para saber se resultaron agraciados cos premios non presenciais”.
E engadiu que “a cantidade total de premios que se sortea é de 800 euros en vales de compra de Acisa Ribadeo, 500 euros aportados directamente por Acisa e 300 polo Ribadeo FC, repartidos da seguinte forma: un premio presencial de 300 euros en vales de compra, que se sorteará no Pepe Barrera a última xornada de liga. E cinco premios non presenciais que se sortearán o 20 de maio. Trátase dun premio de 200 euros en vales de compra de Acisa, un premio de 150 euros en vales de compra de Acisa e 3 premios de 50 euros cada un en vales de compra de Acisa. Este sorteo celebrarase a porta pechada nas nosas oficinas mediante un sistema de xeración de números aleatorios”.
Cruzado Iglesias subliñou que “os premios poderán ser reclamados ata o 23 de maio. De non ser reclamado algún deles volveranse a sortear o luns 26 de maio cun prazo para ser reclamados ata o 30 de maio. De non aparecer algún dos números agraciados nalgún dos premios considerarase definitivamente deserto ese número. Tras os sorteos, o Ribadeo FC e Acisa daremos a debida información en redes sociais, na nosa web e nos medios de comunicación. O sorteo realizarase entre os números finalmente producidos o ultimo dia da campaña”.
A presidenta de Acisa agarda que “esta campaña sexa positiva para o Ribadeo FC, que é o beneficiario da mesma. Levamos varios anos colaborando co club de fútbol local, así como con outras entidades deportivas ribadenses e con eventos que traen á nosa vila a milleiros de persoas e nesta liña quere seguir a directiva de Acisa para conseguir a plena dinamización do comercio e da hostalaría local ao longo de todo o ano, e tamén para os negocios asociados ao noso colectivo, onde se gastarán os vales premiados”.
O presidente do Ribadeo FC, Valentín Coto, agradeceu a colaboración de Acisa co club e dixo que “queremos hacer una gran fiesta en el último partido de liga con este sorteo”.
Na presentación da campaña participaron o presidente e o secretario do Ribadeo FC, Valentín Coto e Moncho López e a presidenta e o xerente de Acisa, Carmen Cruzado e Jesús Pérez.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
