Pilar García Porto anunciou tamén a aprobación da convocatoria e as bases para a elaboración dunha listaxe de empregados públicos na Deputación, “que prestarán servizos no programa europeo Agrosocial xunto a 11 socios de España e Portugal”
Lugo, 7 de marzo de 2025. A Xunta de Goberno da Deputación de Lugo aprobou este venres un novo investimento para mellorar a mobilidade da provincia por un importe de case 1M€ nun total de nove estradas que discorren por cinco concellos da provincia. A Voceira Socialista do Goberno, Pilar García Porto, informou tras a sesión celebrada esta mañá que “hoxe seguimos avanzando na contratación de novas obras, facendo un esforzo inversor enorme para rehabilitar manter e mellorar a rede de estradas da nosa provincia, a máis extensa de todas as Deputacións, cun total de 4217 quilómetros de lonxitude”.
Concretamente, a institución provincial licitou por un importe de 550.000 euros dous proxectos que mellorarán 8 estradas nos concellos de Taboada, Monterroso e Chantada. No caso de Taboada, mellorarase un tramo de 14 quilómetros da LU-P-4905, a estrada que conecta Portomarín e o enlace coa vía autonómica LU-633. As obras, que afectarán ao treito comprendido entre entre o quilómetro 10,652 e o 24,631 na parroquia de Vilarbasín, en Portomarín e a de Bembibre, en Taboada, consistirán na reapertura de cunetas, saneo da explanada, reparación de imperfeccións, repavimentación e reposición da sinalización vertical.
Pilar García Porto subliñou que “estes traballos mellorarán notablemente as comunicacións entre ambos concellos, xa que é a estrada máis directa entre ambas, e tamén ós veciños e veciñas das diferentes parroquias ás que dá servizo directo”. Ademais, este proxecto que sae a licitación por un prezo de máis de 240.000€ melloraremos tamén a totalidade da LU-P-6003 que, con algo máis de dous quilómetros, conecta Couto, en Taboada con Viloíde, en Monterroso.
En Chantada, a Deputación acometerá melloras en varios tramos de seis estradas por un importe de máis de 300.000 euros. A actuación incluirá máis de 8 quilómetros da LU-P-1002, que conecta a Barrela coa Tilleira, desde o quilómetro 6, á altura de Esmoriz ata o quilómetro 14. Tamén se mellorará a totalidade da LU-P-1802, que une Chantada co Encoro de Belesar, e un medio quilómetro da LU-P-1803, que vai de Camporramiro a Castro de Carballedo, á altura da parroquia de Vilaúxe. Tamén, na totalidade da LU-P-1805, que conecta Seixo e Esmoriz, e os tres últimos quilómetros da LU-P-1806, que une Garabelos con Santa Rosa, así como os primeiros 100 metros da LU-P-11818, que enlaza coa N-540 á altura da parroquia de Pereira.
As actuacións en todas estas estradas consistirán na reapertura de cunetas, a reparación de desperfectos e a repavimentación das vías. O prazo de execución deste proxecto será de tres meses.
Así mesmo, a Voceira Socialista do Goberno informou da adxudicación dos traballos de rehabilitación de dous tramos do cinto comarcal, na LU-P-1611, ao seu paso polos concellos de Begonte e Castro de Rei. Concretamente, a institución provincial mellorará o treito comprendido entre o quilómetro 71,700 ao 73,165 na parroquia de Felmil, no concello de Begonte; e outro de máis de cinco quilómetros, entre o punto quilóetrico 78,620 ao 81,800 ao seu paso pola parroquia de San Xiao de Mos, en Castro de Rei. A empresa adxudicataria, Cholo SL, realizará as obras cun orzamento superior a 375.000 euros.
As intervencións consistirán na mellora da drenaxe, fresado da vía, estendido de aglomerado en quente e reposición da sinalización vertical. Neste caso, a empresa tamén inclúe un aumento do prazo de garantía a tres anos e reducirá o tempo de execución a tan só un mes.
“A actuación no cinto comarcal ten unha importancia fundamental, xa que esta estrada xoga un papel clave nas comunicacións da provincia. De feito, este investimento súmase aos aproximadamente 3,65 millóns de euros que a Deputación xa destinou a melloras nesta vía nos últimos anos”, afirmou Pilar García Porto. E lembrou que “este esforzo inversor é especialmente relevante, tendo en conta que o cinto comarcal conta con máis de 131 quilómetros e conecta varios concellos, polo que a súa mellora ten características propias dunha estrada de titularidade autonómica”.
Rehabilitación da antiga sede de Suplusa
Na Xunta de Goberno de hoxe aprobouse tamén a licitación das obras para a rehabilitación da antiga sede de Suplusa, situada na rúa San Marcos nº11. A Deputación investirá 90 mil euros para rematar os acondicionamentos do edificio, que se destinará ao uso de oficinas. As actuacións inclúen a reparación de humidades, renovación de espazos e a instalación de redes de electricidade, telecomunicacións, calefacción e ventilación.
Convocatoria de emprego público para o programa Agrosocial
Na sesión desta mañá, a Deputación anunciou a aprobación das bases para a creación dunha listaxe de empregados públicos temporais que prestarán servizos no programa europeo Agrosocial, do que forma a Deputación de Lugo xunto a 11 socios de España e Portugal. O proxecto, que se desenvolverá ata xuño de 2026, está financiado con preto de 2 millóns de euros, dos cales o 75% provén de fondos FEDER. A convocatoria permitirá cubrir postos de Técnico ou Técnica, e Coordinador ou Coordinadora, contribuíndo ao desenvolvemento do sector agroalimentario na provincia.
Subasta de parcelas no Polígono Industrial de Saavedra
Ademáis, a institución provincial acordou sacar adiante a subasta pública de 5 parcelas no Polígono Industrial de Saavedra en Begonte. Tres das parcelas son de solo urbano para uso industrial, mentres que as outras dúas son de solo rústico. Este proceso busca favorecer o desenvolvemento industrial e económico da zona, permitindo a implantación de novas actividades produtivas e mellorando as infraestruturas locais.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
