O Sindicato Labrego Galego reúnese co director do AGACAL para tratar medidas de apoio ás persoas produtoras de faba
A Mariña, 13 de Marzo 2025. A solicitude do Sindicato Labrego Galego-Comisións Labregas (SLG-CCLL), e co fin de tratar a situación das produtoras e produtores de faba, no día de onte tivo lugar unha xuntanza co director de AGACAL, Martín Alemparte, na que participou a produtora e Secretaria Xeral do SLG, Isabel Vilalba; a economista especializada en políticas agrarias europeas e representante polo SLG no Comité Rexional do PEPAC, Ana Rodríguez; a produtora Milagros Gómez e a produtora e envasadora Carmen Seijo.
Dende o SLG realizaron varias propostas concretas de axudas que a Xunta de Galicia podería activar para que as importantes perdas na colleita deste ano non impliquen un golpe que deixe polo camiño ducias de produtoras e produtores.
“En primeiro termo propoñemos que a Consellería do Medio Rural, se é posible da man do Principado de Asturias, defenda en Madrid unha axuda asociada para a faba na PAC suficiente. Achegamos ao director do AGACAL documentación na que se demostra que hai axudas deste tipo de 1.500, 1.300 euros/ha en varios países, por exemplo en Francia”.
“Deixámoslle tamén o borrador da axuda agroambiental para a faba de 635 euros/hectárea que saca xa este ano Asturias. En Galicia para este ano van tarde. Quedaron de estudalo para o ano”.
“Solicitamos tamén unha axuda de crise con fondos propios. En Asturias saíron diferentes novas sobre as contías (3.000 euros/ha, cubrir o 40 por cento da produción…), pero sengundo nos dixeron no AGACAL, en Galicia inda o están a mirar. Comentaron que noutras reunións lles dixeran que vían moi ben o dos créditos, agardemos que non quede nunha miseria de axuda aos intereses. Se ben están coa idea de quitalo só para os 19 da IXP, dende o SLG propuxémoslle que fose para as persoas produtoras de faba”.
No tocante a enfermidades e investigación, desde o SLG “salientamos que o noso interese fundamental actual está nas enfermidades que están afectando hoxe ao cultivo e nas materias activas e ferramentas que se poden ter nesta campaña para combatelas, así como no carácter urxente deste traballo. Dende o Agacal, comentáronnos duns campos de ensaio en Pedro Murias (marco de plantación, rotacións…), nos que tamén se está a facer traballo con enfermidades”.
Con respecto a que facer ca faba manchada, partir da interlocución co presidente da IXP, dende o AGACAL están valorando facer un proxecto de investigación para ver que facer coa faba manchada. “Preguntámoslle máis por isto e Martín Alemparte falou de que se estaba valorando produtos como o humus…”.
Tamén se está estudando realizar cambios no regulamento da IXP para dar cabida á faba fresca e verdiña, entre outras.
Ante a nosa crítica pola demora da Xunta de Galicia á hora de tomar medidas para abordar esta crise no sector produtor de faba, o argumento do AGACAL foi que recibiron a petición de entrevista do Presidente da IXP en xaneiro. Sen embargo, na xuntanza había produtoras que xa lles trasladaran as enormes perdas que se vían na produción de faba a Extensión Agraria e ao propio Agacal en outubro pasado, tamén foron abondosas as novas na prensa, e dende o SLG pedímoslles unha entrevista xa no mes de decembro…
“Logo de manter esta xuntanza, a nosa valoración é que de momento non temos medidas claras e veremos en que se concreta -se se concreta nalgo-, nos próximos días”.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
