Viveiro, 25 de marzo de 2025. O Concello de Viveiro designa ao axente Germán Bouso como novo xefe temporal da Policía Local.
O seu nomeamento, asinado este luns pola alcaldesa, Mariña Gueimunde, ten carácter temporal -conforme ao disposto no artigo 27.5 da Ley 4/2007, de 20 de abril, de coordinación de policías locales de Galicia- en tanto non se proceda á cobertura ordinaria da praza de xefatura.
Gueimunde explica que “o nomeamento se produce despois de varias reunións cos axentes, representantes sindicais e xefe de persoal” nas que “todos se amosaron colaboradores”.
A normativa establece que lle correspondería a cobertura temporal da xefatura ao funcionario que da mesma categoría e, senón, á inmediatamente inferior atendendo a criterios de mérito e capacidade.
Establecido un prazo de cinco días hábiles para que calquera axente da plantilla se postulara como voluntario para ostentar a xefatura, non houbo ningunha inscripción voluntaria. Polo tanto, procedeuse a formular unha proposta na que se tivo en conta o policía local que tivera atribuído as funcións de mando en períodos de ausencia do funcionario que viña ostentando temporalmente a xefatura.
Tras comunicar a decisión á totalidade da plantilla en servizo aos que se lles informou que apertura dun prazo de dous días hábiles para formular alegacións e non ter recibido ningunha, a alcaldía, no cumprimento das súas funcións, resolve o nomeamento do policía local Germán Bouso como novo xefe temporal da Policía Local.
A rexedora considera “fundamental recuperar a normalidade no funcionamento do corpo da Policía Local de Viveiro, un servizo que conta con todo o noso recoñecemento. Viveiro precisa que todo funcione dentro da normalidade”. No caso deste servizo, lembra que “entre as súas funcións se atopan as de velar e controlar o cumprimento de ordenanzas, bandos e outras normas de competencia municipal”.
Mariña Gueimunde defende, ademais, que “é primordial contar co servizo en funcionamento ás portas dos actos de Semana Santa, unha data moi importante para Viveiro, e tamén ás portas da temporada de verán na que o noso concello multipla a súa poboación”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
