Os próximos venres 28 de marzo e 4 de abril, a Casa da Cultura de Burela acollerá dúas obras de teatro: ‘O Dragón de Ouro’ e ‘Gloria Nacional’
Burela, 25 de marzo de 2025. A Casa da Cultura de Burela acollerá dous espectáculos teatrais nas próximas semanas, dirixidos ao público adulto. Estas representacións ofrecen unha oportunidade para reflexionar sobre temas de actualidade a través do teatro, combinando narrativa simbólica e realismo social.
“Desde a Concellería de Cultura seguimos apostando por unha programación escénica diversa e de calidade. Así, traemos dúas propostas teatrais que, ademais de entreter, convidan á reflexión”, asegura Lina Gómez Pardo, concelleira de Cultura.
O venres 28 de marzo, ás 21:00 h, Sarabela Teatro representará ‘O Dragón de Ouro’, unha obra escrita por Roland Schimmelpfennig que sitúa a acción nun edificio de varios pisos en Europa.
O argumento xira en torno a un mozo chinés que traballa no restaurante The Golden Dragon e que, debido a unha intensa dor de moas, vese obrigado a aceptar unha solución improvisada polos seus compañeiros, xa que non conta con permiso de residencia nin cartos para ir ao dentista.
“Cunha posta en escena intensa e conmovedora, esta obra aborda temas como a inmigración, a explotación laboral e a desigualdade, ao tempo que entrelaza as historias doutros residentes do edificio”, explicaba a concelleira. Entre eles, un ancián que desexa volver ao pasado, a súa neta embarazada que afronta as ruínas da súa relación de parella e un comerciante que obriga a unha moza chinesa a prostituírse. Tamén inclúe a fábula da cigarra e a formiga, que representa unha crítica á explotación e á indiferenza social. A entrada para esta representación terá un custo de 5 euros.
Ademais, o venres, 4 de abril, ás 21:00 h, Teatro Noroeste traerá a escena ‘Gloria Nacional’, escrita e dirixida por Eduardo Alonso e representada polas actrices Luma Gómez e Manuela Varela, e o actor Miguel Pernas.
“ Este espectáculo pon o foco na política e na identidade, cun humor intelixente que nos fai cuestionar moitas realidades do noso día a día e con actores e actrices dun gran nivel” destacaba Gómez.
Esta obra ofrece así unha reflexión sobre o papel do arte e da cultura na sociedade actual, a través da figura de Uxío Rodas, un recoñecido escultor e pintor que se atopa en plena crise creativa.
Uxío Rodas, considerado unha auténtica “gloria nacional” polos seus contemporáneos, ten as súa obras nos mellores museos internacionais. Porén, atópase apartado da civilización no seu estudo, intentando concentrarse nun encargo monumental feito polo goberno do seu país: unha escultura que simbolice a nación. Durante este proceso, recibe a visita do seu representante e da ministra de cultura, o que desencadea un debate sobre a relación entre arte, mercado e política. O prezo da entrada para esta obra será tamén de 5 euros
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.