Ribadeo, 27 de marzo, 2025. O BNG de Ribadeo alerta de que o goberno municipal perdeu outra subvención da Xunta de Galicia cun importe de 32.865€ correspondente á axuda da AGADER do ano 2024 por presentar a documentación xustificativa fóra de prazo. “Esta perda súmase á do convenio para o arranxo do Parque dos Indianos, sumando case 80.000€ perdidos en subvencións no ano 2024, que saibamos neste momento. No caso da AGADER o asunto é máis grave porque o gasto xa está feito, co detrimento económico para o Concello que iso conleva”.
O voceiro do BNG de Ribadeo, Pablo Vizoso explica que: “Hai unhas poucas semanas tivemos constancia da perda do convenio para o arranxo do Parque dos Indianos, por un importe duns 47.000€, que o alcalde asinou e anunciou en outubro do 2024 porque o Concello non puido achegar a súa parte de 12.000€. A semana pasada, revisando os decretos da alcaldía, atopámonos con que o Concello non presentou en tempo e forma a documentación xustificativa dunha subvención de 32.865€ concedida pola Axencia Galega de desenvolvemento Rural do ano 2024 para o arranxo de camiños. O gasto fíxose, pero ao incumprir a lei de subvencións o Concello viuse obrigado a devolver o importe”.
Vizoso engadiu: “Con esta, e que saibamos neste momento, o Concello xa perdeu uns 80.000€ en subvencións durante o ano 2024. De nada serve que dean axudas se non son capaces de xestionalas. Levan case dous anos gobernando e demostran unha e outra vez que non son capaces de xestionar o que teñen entre as mans. Este goberno sáenos moi caro a todos e a todas as ribadenses”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
