O programa contempla beneficios fiscais para favorecer a implantación de empresas no municipio e supón unha discriminación positiva para o Concello nas liñas de axuda da Xunta en réxime de concorrencia competitiva
Burela, 28 de marzo de 2025. Os concelleiros do PP de Burela conseguiron no pleno deste xoves no Concello de Burela que o goberno local bipartito se posicionara a favor dunha das iniciativas para dinamizar Burela: que o Concello se adherira á rede de Concellos Emprendedores da Xunta de Galicia.
Trátase dunha proposta que “xa defendéramos noutra ocasión e que, daquela, fora rexeitada polo pleno da corporación”. Coa implantación desta iniciativa “os veciños e veciñas de Burela terán a posibilidade de beneficiarse de bonificacións ou rebaixas no imposto de actividades económicas (IA), no imposto de bens inmobles (IBI) ou de construcións (ICIO) de ata o 95% e o Concello terá posición preferente á hora de acudir ás axudas de concorrencia competitiva da Xunta de Galicia”.
Os populares lograron a unanimidade despois de aceptar a petición do grupo socialista para retirar parte da exposición de motivos nas que se facía referencia ao abandono do goberno municipal ante o peche de negocios e a suba da taxa do paro en Burela.
Co obxectivo de aprobar unha iniciativa positiva para Burela, “nos non tivemos problema”, segundo sinala o portavoz, Manuel Rouco. Con todo, indica que “o PSOE pretende enganarse a si mesmo”, pero “calquera pode comprobar no Servizo Público de Emprego ou no INE que a taxa de paro en Burela é a máis alta de toda a Mariña e que no que vai de mandato pecharon 74 negocios no municipio”.
Rouco especifica que “a taxa de paro xa era o ano pasado a máis alta da Mariña -en conxunto con Viveiro- e este ano lidera o ránking en solitario. De feito, Burela duplica ao segundo concello no que máis subiu. En Burela hai 41 parados máis no primeiro trimestre do presente ano”.
Por outra banda, dende que comezou a gobernar a señora López Moreno, “pecharon 74 locais, empresas ou comercios. Concretamente do sector da hostalería e do comercio pecharon 30. Se estes non abriran neste último ano estariamos falando dunha cifra de preto de 100 locais os que estarían pechados agora mesmo en Burela”. É dicir, “no actual mandato destruíuse emprego e actividade económica segundo estes datos obxectivos”.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
