Ribadeo, 2 de abril, 2025. O BNG de Ribadeo denuncia, unha vez máis, “a incapacidade do goberno municipal para arranxar os problemas nas pistas multideporte, que seguen coas redes caídas e as luces sen arranxar”. Alerta tamén “das mentiras do concelleiro de deportes que, nun primeiro momento, aseguraba que os arranxos estarían realizados a finais de febreiro, despois, a finais de marzo, e que xa en abril seguen sen solución. Demanda unha maior celeridade para que as pistas poidan ser utilizadas o maior tempo posible debido á grande demanda de uso que hai por parte da xuventude de Ribadeo”.
Martín Graña, concelleiro do BNG de Ribadeo afirma que: “As mentiras diarias do goberno municipal non cesan. A comezos de febreiro volvemos denunciar o lamentable estado de conservación das pistas multideporte que estaban coas redes caídas, a canastra que seguía sen colocarse e as luces sen acender. Naquel momento desde o goberno municipal saíron correndo a dicir que os arranxos estarían listos en “3 ou 4 semanas”. Ao pouco de rematar o prazo que eles mesmos deran volveron sacar outra nota decindo que estaría listo a “finais de marzo”. Xa estamos en abril e só foron capaces, hai tan só uns días, de volver colocar a canastra que tiñan tirada nun almacén municipal”.
Graña engadiu: “Parece que lles é máis doado facer notas de prensa que solucionar os problemas dos ribadenses. O prazo pasou e non se mostran capaces de dar respostas para unhas instalacións que son utilizadas de forma masiva pola mocidade do noso concello. Volvemos facer esta denuncia e volveremos facela as veces que faga falta mentres o goberno municipal non solucione o problema. Desde este grupo municipal recomendámoslle ao goberno que se preocupe menos de facer notas de prensa e de respostar á oposición e se poñan a traballar no importante. Solucionen os problemas; para iso lles deron a confianza”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
