A Mariña, 1 de abril de 2025. A Mariña foi durante uns días o epicentro do turismo de observación da natureza grazas ao foro especializado de ecoturismo natureWatch, que se celebrou do 28 ao 30 de marzo en Barreiros. Este encontro, recoñecido pola Organización Mundial do Turismo como evento colaborador no 2017, é un referente nacional que convoca en cada edición a numerosas persoas relacionadas coa práctica e divulgación do turismo sostible de natureza.
O Centro Sociocultural de BarreiroS acolleu a máis de 60 persoas, entre participantes e relatores, que compartiron un completo programa de 20 conferencias relacionadas co turismo de natureza, a sostibilidade e a promoción e conservación dos ecosistemas, impartidos por expertos e profesionais chegados de toda España. A través de relatorios, coloquios e mesas redondas abordáronse experiencias de ecoturismo en diferentes destinos, con temas tan interesantes como a xestión en espazos naturais, a gastronomía responsable, as prácticas de xeoturismo e turismo ornitolóxico e o valor dos espazos naturais e das especies.
O encontro tivo tamén unha gran parte de contido práctico, con saídas para coñecer dous espazos naturais imprescindibles da Mariña, como son o Monumento Natural das Catedrais, explicado desde un punto de vista xeolóxico; e a Zona de Especial Conservación e Reserva da Biosfera Serra do Xistral, na que se abordaron varios temas como a presenza do lobo, características do seu hábitat e formas de vida, as turbeiras altas e de cobertos e a conservación da biodiversidade ligada aos breixos e ao sistema de manexo das greas de cabalos salvaxes.
Os asistentes,un total de 60 persoas chegadas principalmente de Galicia, pero tamén doutros puntos de España como Andalucía, Aragón, Asturias, Cataluña e Castela a Mancha tamén tiveron a oportunidade de degustar produtos locais a cargo do Colectivo de Gastronomía da Mariña e produtos da Rede de Produtores de RURALtXA!, poñendo en valor as materias primas de proximidade.
O ecoturismo, fonte de riqueza
A vicepresidenta da Mancomunidade de Concellos da Mariña Lucense, Ana Ermida, salientou a importancia que teñen
este tipo de eventos para A Mariña, xa que contribúen a posicionalo como un destino singular para a observación da natureza.
“O alto grao de participación e o excelente nivel da proposta do encontro permite poñer A Mariña no epicentro das miradas do turismo de natureza, favorecendo o noso posicionamento a nivel nacional”, subliñou Ana Ermida. Tal como explicou, este tipo de eventos serven “para divulgar os recursos que fan único ao noso territorio desde unha mirada sensible e sostible”, achegando a profesionais e a público especializado as oportunidades e as fortalezas do turismo de natureza da Mariña. Ademais, lembrou que é moito o valor que o ecoturismo pode reportar ao territorio, polo que fixo fincapé “na importancia de preservar e divulgar o noso patrimonio ornitolóxico, xeolóxico e botánico como fonte de valor e riqueza social”.
Asemade, Ermida avanzou que o éxito vivido co encontro natureWatch servirá para impulsar na Mariña novos encontros de coñecemento arredor do turismo de natureza, para poñer en valor os activos naturais deste territorio como destino ornitolóxico, xeolóxico e botánico.
Foro sostible
O obxectivo do encontro natureWatch é contribuír de forma ordenada ao impulso do turismo de observación da natureza, promovendo as bases sobre as que construír a súa regulación, o emprendemento e o desenvolvemento sostible dos espazos naturais.
O encontro foi promovido pola Mancomunidade de Concellos de A Mariña Lucense no contexto do Plan de Sostibilidade Turística na Mariña Lucense 2022-2024, cofinanciado pola propia Mancomunidade, a Xunta de Galicia e a Secretaría de Estado de Turismo. A organización correu a cargo da empresa especializada Daboecia Arte y Naturaleza en colaboración con El Ecoturista. Ademais, nesta edición contou coa colaboración especial de RURALtXA!, un proxecto que impulsa a bioeconomía no mundo rural e que conta co apoio da Fundación Biodiversidad do Ministerio para a Transición Ecolóxica e o Reto Demográfico (MITECO) no marco do Plan de Recuperación, Transformación y Resiliciencia (PRTR), financiado pola Unión Europea-NextGenerationEU.
Trátase ademais dun evento socialmente responsable, neutro en carbono polas medidas adoptadas en compensación e no que parte do custo de inscrición será destinado a un proxecto local de conservación do medio ambiente a cargo de REBINXE.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
