O PP de Barreiros vota en contra da suba de taxas municipais: “Non imos ser cómplices de subas impositivas que, no caso do lixo chegan ao 100%”

O goberno local de Barreiros aprobou, co voto en contra do PP, a suba das taxas do lixo, da auga ou dos sumidoiros no pleno municipal celebrado o xoves

Barreiros, 7 de abril de 2025. Os concelleiros do PP de Barreiros votaron en contra da subas propostas polo goberno local para as taxas que regulan a auga, os sumidoiros e o lixo: “non imos ser cómplices dunha nova carga impositiva para os novos veciños que, nalgún caso, é do 100% como ocorre co imposto da recollida do lixo”.

O voceiro popular, José Manuel Gómez Puente, afirma que “para nada estamos de acordo con esta política de BNG e PSOE de cargar con máis impostos aos veciños cando teñen oportunidade, o que hai que facer é xestionar mellor os recursos dispoñibles para evitar ter que sobrecargar as economías das nosas familias”.

As subas aprobadas polo goberno local son:

-Lixo: no caso dos domicilios, o recibo pasa dos 9€ actuais aos 18€ (suba do 100%).

-Auga: no caso do uso doméstico, ata agora había unha cota fixa de 14€ cada dous meses ata un consumo máximo de 22m3. Agora, a cota fixa pasa aos 15€ bimensuais ata un máximo de 12m3. No seguinte treito, de 13 a 22m3 establécese unha cota de 0,29€/m3.
No caso da hostalería, ademais de pagar a tarifa fixa de 30€ cada dous meses, pagarán unha taxa de 0,57€/m3.

-Sumidoiros: ata agora pagábase unha taxa fixa de 5€ cada dous meses, ata un consumo máximo de 22m3, e a partir de aí 0,10€m3. Agora pásase a unha cota fixa de 6€ bimensuais e un primeiro tramo de consumo, ata 22m3, de 0,017€/m3, un segundo tramo, dende os 23 aos 60m3, de 0,10€/m3, e un terceiro tramo, a partir dos 60m3, de 0,13€/m3.

José Manuel Gómez Puente lamenta que “estas subas afectarán directamente ás economías domésticas e tamén a hostalería, un secotr fundamental da nosa economía”.

Neste senso, tamén explica que “os principais beneficiados serán aquelas familias que teñen a súa segunda residencia en Barreiros, xa que, no caso da auga, os consumos que realizarán serán tan pequenos que unicamente pagarán a cota fixa e non pagarán máis ao non superar o consumo mínimo”.

Ademais, nestas subas impositivas “os hostaleiros son os outros grandes prexudicados, a pesar de que son un sector fundamental da nosa economía xa que son un dos principais sectores xeradores de postos de emprego, sobre todo no verán”.

Neste senso, José Manuel Gómez Puente explica que “ao igual que se realizou noutros concellos limítrofes, podería estudarse aplicar unha bonificación do 20% para os propietarios de vivendas empadroados no Concello” para así diminuír o impacto da suba do recibo do lixo.

Ante esta situación, o voceiro popular recorda que esta suba dos prezos do lixo a nivel xeral vén derivada da decisión do Goberno de Pedro Sánchez de aplicar unha normativa que outros países de Europa, como é o caso de Alemania, decidiron non aplicar. “Non estamos en contra de una subida das taxas porque si é certo que os costes de transporte e tratamento do lixo súbeo, polo que debería o Concello de pedir axudas ao goberno central para que a taxa foxe moderada e gradual non de golpe”, afirmou.

“O que precisa Barreiros é incentivar a actividade económica de sectores importantes para o municipio, ademais de fomentar a xeración de emprego”, afirmou.