O Alcalde de Monforte e Presidente da Deputación renova o liderado socialista provincial cun amplo apoio da militancia
Lugo, 27 de abril de 2025. O Alcalde de Monforte de Lemos e Presidente da Deputación de Lugo, José Tomé Roca, foi reelixido este domingo como Secretario Xeral do PSdeG-PSOE na provincia de Lugo, tras recibir o apoio maioritario da militancia nas eleccións primarias celebradas esta fin de semana. Tomé logrou 801 votos fronte aos 585 obtidos por Iván Castro, Deputado Provincial e voceiro en Paradela. A participación no proceso foi do 75%, cun total de 1394 votos emitidos sobre un censo de 1862 militantes.
Nada máis coñecer os resultados, José Tomé trasladou o seu agradecemento “a todas as compañeiras e compañeiros que decidiron participar con liberdade, ilusión e responsabilidade nun momento importante para a nosa organización, e que elixiron a miña opción”. Asegurou que esta reelección supón “un novo impulso para seguir traballando con forza, con humildade e cun compromiso profundo co noso partido e con todos os lucenses”. Ao tempo, que tamén tivo un agradecemento especial cara o equipo que organizou o proceso.
Nas súas primeiras palabras, evidenciou que este domingo foi “un día de democracia interna no PSOE, onde os nosos militantes puideron expresar o que opinan sobre os próximos anos do partido, unha festa expresada nas urnas e, polo tanto, é a mellor maneira de elixir aos nosos compañeiros e compañeiras encargadas de dirixir o partido nos próximos anos” .
O líder provincial reafirmou a súa intención de consolidar os gobernos municipais socialistas, recuperar espazos perdidos, gañar novos concellos e seguir mantendo o goberno da Deputación de Lugo. “Gobernamos nas vilas máis grandes, a máis da metade da poboación, como Monforte, Lugo ou Vilalba”, detallou, ao tempo que avanzou que isto contribuirá á construción dun PSdeG en Galicia con José Ramón Gómez Besteiro á cabeza que sexa “ máis forte, e que estou convencido que co apoio da provincia de Lugo que conta dende agora mesmo para que sexamos unha alternativa real nas próximas eleccións autonómicas. O que temos que ter claro é que o noso adversario é o Partido Popular”.
Subliñou que a súa candidatura representa unha continuidade necesaria, pero tamén “renovación, impulso e apertura a novas ideas. Estes anos demostramos que se pode gobernar desde a estabilidade, con rigor e con vocación de servizo público, e a militancia volve dicir que ese é o camiño”, engadiu.
Tomé tamén tivo palabras de respecto e recoñecemento para o seu compañeiro Iván Castro, agradecendo a súa participación no proceso. Pola súa parte, Iván Castro, felicitou a José Tomé pola súa vitoria e amosouse contento polos resultados obtidos e afirmou sentirse “respaldado polo partido”. “O proceso vai reforzar o partido socialista e a militancia pronunciouse, cremos que vamos saír reforzados e, dende logo, traballaremos no proxecto socialista”.
Con esta reelección, o PSdeG-PSOE da provincia de Lugo inicia unha nova etapa centrada en reforzar o papel das agrupacións locais, ampliar a presenza territorial do partido e seguir sendo útil á sociedade lucense dende o compromiso co público e coa igualdade de oportunidades.
Nova Executiva
“Vamos elixir unha nova Executiva que sexa representativa, paritaria e que sexan os mellores e as mellores para dirixir esta nova etapa do Partido Socialista na provincia”, afirmou ante os medios coa vista posta no Congreso do 10 maio. Unha Executiva que, adiantou, estará presenta nas agrupacións para darlles apoio, asesoramento e facer o labor político necesario. Este é un compromiso que adquiro e un sentimento que teño eu”, confirmou Tomé Roca.
A xornada
O proceso interno desenvolveuse con normalidade en todas as agrupacións da provincia. Lugo, Monforte, Castroverde e o Saviñao mantiveron abertas as urnas de 10:00 a 20:00 horas, mentres que nas agrupacións máis pequenas habilitáronse horarios reducidos. En todas elas, a militancia mobilizouse para expresar a súa decisión nun proceso democrático que, segundo destacou Tomé, “amosa a fortaleza do PSdeG como unha organización viva, plural e comprometida co futuro da provincia”.
A elección da Secretaría Xeral Provincial de Lugo realizouse baixo o sistema de primarias de dobre volta. As candidaturas dispoñen dun prazo de 24 horas para presentar recursos ante a Comisión Nacional de Ética, que resolverá no mesmo prazo dende a súa presentación. Unha vez superado este trámite, proclamaranse oficialmente os resultados definitivos.
Unha vez finalizado o proceso de primarias, o vindeiro 10 de maio celebrarase o 5º Congreso Provincial Ordinario, no que a militancia votará a composición completa da nova Comisión Executiva Provincial.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
