O Secretario Xeral do PSdeG-PSOE na Provincia de Lugo e Presidente da Deputación, José Tomé Roca participou este xoves na tradicional festa dos socialistas de Foz tras acudir á manifestación polo Primeiro de Maio en Lugo
Foz, 1 de maio de 2025. O Secretario Xeral do PSdeG na provincia de Lugo, José Tomé Roca, participou este xoves na tradicional Festa dos Traballadores e Traballadoras organizada polos socialistas de Foz no restaurante O Rincón de Mis, con motivo do Primeiro de Maio, tras asistir á manifestación polo Día Internacional do Traballo celebrada na capital lucense.
Na cita participaron tamén responsables orgánicos e cargos institucionais do partido, como a Secretaria de Organización do PSdeG-PSOE e Deputada Autonómica Lara Méndez, o Senador por Lugo César Mogo, a Deputada no Congreso dos Deputados por Lugo Patricia Otero, o Alcalde de Foz e Deputado de Recursos Sostibles Fran Cajoto e o Deputado Provincial e voceiro de Paradela Iván Castro.
O alcalde de Foz, Francisco Cajoto, agradeceu a asistencia das compañeiras e compañeiros socialistas e aproveitou para felicitar a José Tomé pola súa recente reelección como Secretario Xeral do PSdeG na provincia de Lugo. “Temos unha fonda tradición municipalista e un profundo coñecemento do que significa traballar polos nosos concellos. Non hai ninguén mellor ca vós para defender os intereses das nosas veciñas e veciños”, afirmou. Fixo tamén un chamamento á unidade e ao traballo colectivo “para acadar mellores resultados nas próximas eleccións municipais”.
Pola súa banda, a Secretaria de Organización do PSdeG, Lara Méndez, subliñou a importancia de continuar avanzando en dereitos laborais e sociais da man de gobernos progresistas. “O 1 de maio é un día para celebrar e reivindicar. Cando o Partido Socialista goberna, celebramos avances reais como a mellora das pensións, o incremento do salario mínimo ou a implantación do ingreso mínimo vital”, afirmou.
Advertiu, con todo, de que “cando goberna o PP, o que toca é defender o xa conquistado. Ningunha sociedade pode avanzar se está centrada unicamente en conservar o mínimo”. Méndez puxo como exemplo o caso de Foz, asegurando que “cando un socialista está á fronte dunha administración, hai avances reais: mellores infraestruturas, máis calidade de vida e un compromiso claro cos dereitos da cidadanía”. Apelou tamén á mobilización para os próximos retos: “Temos dous anos decisivos por diante para consolidar a nosa presenza municipal, manter o Goberno de España e conseguir en 2027 o cambio político que a Xunta de Galicia necesita”.
O Secretario Xeral do PSdeG-PSOE na provincia de Lugo, José Tomé Roca, amosou a súa confianza na forza do proxecto socialista na provincia e destacou a importancia de manter a mobilización con vista aos próximos retos electorais. “A día de hoxe, cos datos que manexamos, mantemos todas as alcaldías e seguimos á fronte do Goberno da Deputación. O PP terá que continuar esperando pola Alcaldía de Lugo, pola Deputación Provincial e polos gobernos municipais desta provincia”, afirmou con rotundidade.
Tomé apelou á unidade e ao traballo conxunto: “A partir do verán temos que saír con forza, coa maquinaria preparada, para seguir contando coa confianza da cidadanía. Se o facemos, estou convencido de que poderemos recuperar a Xunta de Galicia da man de Xosé Ramón Gómez Besteiro”. “Ánimo, saúde e a gañar as eleccións municipais”, concluíu.
Tamén asistiron a cita participaron militantes e simpatizantes de numerosas agrupacións da provincia, entre elas as de Vilalba, Lourenzá, Valadouro, Cervo, Alfoz, Barreiros ou O Vicedo.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
