Nota de prensa:
O CONCELLO PREPARA UN PROGRAMA PARA TENTAR REDUCIR O CONSUMO DE DROGAS ENTRE OS XÓVENES DE 17 A 20 ANOS, UNHA PREOCUPACIÓN QUE ALFREDO LLANO LLE TRASLADARÁ Á XUNTA LOCAL DE SEGURIDADE QUE SE REÚNE MAÑÁ.
Burela, 17 de novembro de 2010. O alcalde de Burela, Alfredo Llano, anunciou que o Concello prepara un programa para concienciar á poboación e para tentar reducir o consumo de drogas entre os xóvenes de 17 a 20 anos. Unha preocupación que o rexedor levará á xunta local de seguridade que se reúne mañá.
Llano lembra que “eu solicitei a reunión da xunta local de seguridade. Verémonos ás 12 da mañá, virá o subdelegado do Goberno e virán as forzas de seguridade do Estado. Entre todos tentaremos falar da problemática que nos preocupa que é o consumo de drogas entre a xuventude”. O rexedor asegura que “vemos un aumento claro, ademáis de analizalo na xunta local de seguridade para minimizar a venta e consumo no noso concello e na nosa comarca. Desde o Concello impulsaremos un programa que abarcará a institutos, a familias e á Unidade Asistencial de Drododependencias para concienciar á poboación sobre este asunto. Penso que as sociedades teñen que ser máis maduras e máis responsables e que oferten á xuventude aspectos que sexan positivos para o seu propio desenvolvemento. Non podemos estar cos brazos cruzados mentras ocorren estas cousas”.
O alcalde insiste en que “a xuventude con idades comprendidas entre os 17 aos 20 anos está acudindo de xeito preocupante á UAD, hai que pensar que os rapaces de hoxe en día son moi intelexentes, pero tamén moi vulnerables e hai que procurar que iso non sexa así cos que pretenden arruinarlles a vida o antes posible. Imos procurar axustarnos a un bó guión e penso que entre todos o conseguiremos, cada un desde o seu ámbito, queremos que se note que se fan as cousas ben para acabar con esta lacra”.
Por outra banda, Alfredo Llano, tamén anunciou que “o subdelegado do Goberno, Xosé Vázquez Portomeñe, visitará a partires das 11 da mañá algunha das obras do plan E que xa están rematadas ou a piques, para que teñan constancia do feito que non é pouco”.
Zona xeolóxica
O rexedor referíuse ás últimas declaracións realizadas polo voceiro do PP sobre a declaración de Espacio Natual de Interés Local para a zona xeolóxica de O Perdouro. Llano di que “demostra unha grande desesperación, buscando argumentos para ter algo que dicir do equipo de goberno de Burela. Nós hai uns días fixemos unha proposta para esa zona xeolóxica de O Perdouro e para iso mandamos información suficiente e clara coa súa petición a Costas. E desde Costas solicítanos que aclaremos un pouco máis o proxecto, o tipo de regulamento que queremos aplicar, a zona delimitada… onde nós expliquemos a protección que lle queremos dar. Unha vez sexa enviado a Costas despois mandaránnos un informe no que decidirán as axudas ou as responsabilidades das dúas administracións”.
O alcalde subliñou que “para nada nos denegaron a nosa petición. Dicir na prensa iso é unha auténtica barbaridade que o único que amosa é a desesperación do PP. Debemos ser serios nas nosas manifestacións, o único que fai esta xente son xogadas á desesperada sen ningún tipo de rigor e seriedade. Costas chamóume estranándose polo sucedido e isto significa que o PP non ten moitos argumentos e o único que quere é desastibilizar ao equipo de goberno”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
