Ribadeo, 6 de maio, 2025. O BNG afirma que: “Namentres, as familias das persoas desprazadas a outras residencias constatan que rematou o prazo de execución das obras do Hospital Asilo, e os seus usuarios e usuarias ven pasar o tempo lonxe das súas familias, lonxe de Ribadeo. Daniel Vega só sabe responder con mentiras e botando man do consabido “a culpa é do BNG”. Non lle importa contradicirse a si mesmo e negar o que afirmaba na prensa e nas propias redes sociais do concello hai poucos meses”.
“En novas aparecidas na prensa mariñá en novembro do 2024, e tamén en comunicado subido á páxina web do concello a 26 de febreiro de 2025, Daniel Vega dicía que “non houbo ningún modificado do proxecto”. Case dous anos despois de ter tomado posesión, o alcalde deixaba ben claro que non houbera que facer ningún modificado. Ou falaba por falar sen comprobar como ía realmente a obra, ou dicía a verdade. Se falaba por falar, mal asunto (aínda que cada vez tennos máis acostumado a tales artes). Pero se dicía o certo naquel momento, a que vén agora afirmar que, como houbo que facer modificacións, por iso hai retrasos no remate da obra? A que vén botar man do anterior goberno para botarlle a culpa de todo?”.
“Xa lle dixemos a comezos de ano que os tabiques non se levantan laretando, nin se prepara a instalación eléctrica entre nota e nota de prensa e paseo triunfal por un anaquiño de obra preparado para a ocasión. Gobernar élle outra cousa. E cada vez semella que lle queda aínda máis e máis lonxe e máis grande. Por iso só lle queda como recurso o que vostede tan ben fai: faltar á verdade, eludir as súas responsabilidades, botar man da mentira chocalleira”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
