A cita celebrarase este sábado 10 de maio, en horario de mañá, no Hotel Torre de Núñez da cidade de Lugo
Lugo, 7 de Maio de 2025. O PSdeG-PSOE da provincia de Lugo celebrará este sábado, 10 de maio, o 5º Congreso Provincial de Lugo, unha cita clave para consolidar o proxecto socialista na provincia e reforzar a estrutura organizativa de cara aos retos dos vindeiros anos.
O Congreso desenvolverase baixo o lema “Lugo, construíndo futuro” no Hotel Torre de Núñez da cidade de Lugo, durante a mañá do sábado. A militancia socialista está chamada a participar nunha xornada decisiva, na que terá lugar a proclamación oficial de José Tomé Roca como Secretario Xeral provincial, así como a votación da nova Comisión Executiva Provincial, da Comisión Provincial de Ética e dos membros correspondente aos Comités Provincial e Federal. Desde a dirección provincial trasladan o seu agradecemento á militancia, “piar fundamental da organización e motor do proxecto socialista na provincia”.
A cita contará coa participación de destacadas figuras do socialismo galego, como o Secretario Xeral do PSdeG, José Ramón Gómez Besteiro; a Secretaria de Organización do PSdeG, Lara Méndez; o Secretario Xeral do PSdeG-PSOE da Coruña, Bernardo Fernández; o Secretario Xeral de Ourense, Álvaro Vila; o Secretario Xeral de Pontevedra, David Regades; e o Secretario Xeral das XSG, Xurxo Doval. En representación da executiva federal, participará a Secretaria de Política Económica e Transformación Dixital do PSOE, Enma López.
Ao encontro asistirán tamén as delegadas e delegados das distintas agrupacións locais da provincia, xunto con militantes e persoas convidadas dos ámbitos social, empresarial, sindical e institucional, que acompañarán ao partido nesta cita clave para o futuro da provincia.
José Tomé Roca subliñou que este Congreso será “unha oportunidade para fortalecer a organización e marcar as liñas estratéxicas do socialismo lucense para os próximos anos”.
“O Partido Socialista sempre foi a mellor ferramenta para transformar a sociedade e en Lugo estamos preparados para seguir avanzando con máis forza e máis ilusión ca nunca”, engadiu.
O renovado Secretario Xeral está traballando nestes días na confección dos novos equipos, en diálogo coas compañeiras e compañeiros da provincia, tal e como comprometera nas visitas ás agrupacións. A nova Executiva terá un formato máis reducido, co obxectivo de mellorar a coordinación e a participación interna, e contará cunha composición paritaria, en liña cos principios do partido.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
