A conselleira de Vivenda e Planificación de Infraestruturas, María Martínez Allegue, xunto co delegado territorial da Xunta en Lugo, Javier Arias, visitou hoxe estas actuacións
Viveiro, 8 de maio de 2025. A Xunta rematará o vindeiro ano as obras de mellora de seguridade e capacidade da estrada LU-540, entre Viveiro e Ourol, cun investimento de 8,2M€.
A conselleira de Vivenda e Planificación de Infraestruturas, María Martínez Allegue, xunto co delegado territorial da Xunta en Lugo, Javier Arias, visitou hoxe a contorna na que se están desenvolvendo os traballos.
Explicou que se trata dun proxecto ambicioso que permitirá a transformación integral desta estrada autonómica, entre Viveiro e Ourol, un treito que suma 15,5km.
Detallou que esta intervención en marcha inclúe a rectificación de curvas, a habilitación de novos carrís de adiantamento, a reforma de interseccións, un cambio de sentido e o acondicionamento do firme en todo o trazado.
Sinalou que unha vez acometidas as obras previstas será posible circular a 90 km/h en todo o tramo.
Apuntou que a meteoroloxía adversa do inverno incidiu no ritmo previsto nos traballos, pero agora coa chegada da primavera estanse a acelerar estas actuacións.
Concretou que se está a traballar a pleno rendemento e ata agora taláronse máis de 5.000 árbores e avanzan os movementos de terras, cunha escavación de arredor de 150.000m3.
Fixo fincapé na importancia deste proxecto para a veciñanza, pois ademais de incrementar a seguridade viaria neste treito, permitirá reducir o tempo de viaxe entre Viveiro e Lugo, a capital da provincia.
Remarcou que esta intervención facilitará o día a día dos cidadáns e contribuirá a aumentar a competitividade das comarcas da Mariña e Terra Chá, que atravesa a vía.
Salientou a aposta da Xunta pola conservación das estradas autonómicas, tal como amosan os Orzamentos de 2025, que reservan para este fin partidas que suman máis de 68M€, un 30% máis que no exercicio de 2024.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
