Ribadeo, 13 de maio de 2025. Xa se coñecen os números gañadores da campaña conxunta organizada por Acisa e o Ribadeo FC. En xogo puxéronse 800 euros en vales de compra para consumir nos establecementos asociados ao colectivo empresarial.
Segundo indicou a presidenta de Acisa, Carmen Cruzado: “o primeiro sorteo, que foi presencial, tivo lugar o pasado domingo no estadio municipal Pepe Barrera. E o segundo, non presencial, celebrouse na mañá deste luns nas oficinas de Acisa Ribadeo. O nº 967 foi o gañador dos 300 euros en vales de compra, que o pasado domingo se sortearon no estadio municipal Pepe Barrera ao remate do partido que disputaron o Ribadeo FC e o Sofán”.
O premio foille entregado ao afortunado pola presidenta de Acisa, Carmen Cruzado, o xerente do colectivo empresarial, Jesús Pérez, e o secretario do Ribadeo FC, Moncho López.
O xerente de Acisa, Jesús Pérez, lembrou que “Acisa e o Ribadeo FC uníronse hai unhas semanas para poñer en marcha esta nova edición da campaña, na que o Ribadeo FC aporta 300 euros e Acisa aporta 500 euros. A parte do premio presencial, o luns sorteáronse nas oficinas de Acisa Ribadeo os premios non presenciais a porta pechada e mediante un sistema de xeración de números aleatorios. Os premios recaeron nos números 812, 1424 e 515, que recibirán cada un 50 euros en vales de compra; o numero 1515, é o afortunado con 150 euros en vales de compra; e o numero 988 é o agraciado con 200 euros tamén en vales de compra para consumir nos establecementos asociados a Acisa”.
Cruzado Iglesias engadiu: “os premios poderán ser reclamados ata o 23 de maio. De non ser reclamado algún deles volveranse sortear o 26 de maio. Os vídeos do sorteo pódense ver nas redes sociais de Acisa Ribadeo”.
Ribadeo de tapeo
Acisa Ribadeo invita a todos os ribadenses e visitantes a gozar do Ribadeo de Tapeo, organizado polo Concello: “aínda que non se trata dunha actividade de Acisa animamos a toda a veciñanza a participar e a gozar desta cita gastronómica, xa que dos 21 establecementos participantes, 17 son asociados de Acisa Ribadeo. Para nós tamén é importante que esta actividade sexa un éxito para que os negocios poidan dar a coñecer a súa excelencia e lles sirva como un revulsivo económico nesta semana do mes de maio”.
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
