Ribadeo, 14 de maio de 2025. Todo está listo para a celebración da I Andaina Ribadeo en Marcha Contra o Cancro. Esta actividade lúdico deportiva, que está organizada pola AECC, terá lugar o vindeiro sábado, 17 de maio. Acisa, patrocinador do evento, convida e anima a ribadenses e visitantes a anotarse e participar.
A presidenta de Acisa, Carmen Cruzado, fai unha chamada á solidariedade con esta causa: “xa que calquera de nós pode ter que botar man dos servizos que presta a AECC, calquera de nos ten amigos, coñecidos ou familiares que padecen cancro ou calquera de nós pode ser afectado”.
Cruzado Iglesias agradeceu “á AECC de Ribadeo e de Lugo a posibilidade de poder colaborar con esta xusta causa. Estamos moi contentos de poder facelo, xa que esta actividade axústase aos fins sociais da nosa asociación. Agardamos que sexa o inicio dun longo percorrido xuntos”.
Jesús Pérez, xerente de ACISA, animou ás veciñas e aos veciños de Ribadeo e os veciños das comarcas próximas: “a facer un oco nas súas axendas o vindeiro sábado, 17 de maio, para participar nesta andaina, que partirá do Parque de San Francisco ás 11:00 da mañá. Queremos encher as rúas da vila de centos de persoas”.
E lembrou que “as inscricións poden realizarse de xeito presencial ata o 16 de maio en horario de 12 a 14 horas no local do rastrillo da AECC, sito na rúa Viejo Pancho, nº 4, ou o mesmo 17 de maio na Sala de Exposicións do Parque de San Francisco (vella oficina de turismo). Debemos aclarar, xa que nos consultaron moitas persoas, que se trata dunha andaina pensada para todas as idades, cun percorrido moi sinxelo de aproximadamente 6 quilómetros, desde o Parque de San Francisco ata a Illa Pancha e volta”.
A I Andaina Ribadeo en Marcha contra o Cancro está patrocinada por Solán de Cabras e Acisa e conta coa colaboración do Concello de Ribadeo e de Eroski Center.
As persoas que non poidan participar poden colaborar cun donativo, como inscrición solidaria, para a AECC. “Todo o que se recade irá destinado a seguir mellorando a vida das persoas con cancro e as súas familias e a impulsar a investigación oncolóxica para conseguir un 70% de supervivencia no ano 2030”, subliñan desde a AECC en Lugo.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
