Viveiro, 14 de Maio de 2025. O Grupo Municipal Socialista de Viveiro desmente de xeito rotundo as declaracións realizadas por Mariña Gueimunde e denuncia a estratexia do Partido Popular que tenta responsabilizar falsamente ao anterior goberno socialista do atraso no proxecto de A Xunqueira.
A voceira socialista e anterior alcaldesa, María Loureiro, recorda que “o expediente non estivo paralizado, como afirma falsamente a alcaldesa. O que realmente aconteceu foi que, en novembro, Augas de Galicia remitiu un requirimento que, por un erro interno, non se rexistrou nin en Alcaldía nin en Secretaría, motivo polo cal o goberno municipal non tivo coñecemento do mesmo”.
“Durante todos eses meses, Augas de Galicia non volveu reclamar nin demandar a documentación pendente. Non foi ata dous días despois da toma de posesión da actual alcaldesa cando a propia entidade se puxo en contacto para advertir da falta de resposta. O Partido Popular era plenamente consciente desta circunstancia e agora pretende xerar unha polémica artificial”, engadiu Loureiro.
A portavoz socialista subliñou que “este tipo de erros administrativos poden darse en calquera administración pública, e mesmo lle poden ocorrer á actual alcaldesa. O que non resulta admisible é empregar unha incidencia técnica para verter acusacións falsas e danar a reputación do anterior executivo municipal”.
Os socialistas insisten en que “Augas de Galicia non reiterou nin requiriu novamente a documentación desde novembro, o que demostra que non existiu abandono nin desatención por parte do noso goberno”.
Por outra parte, dende o PSdeG de Viveiro denuncian que o verdadeiro atraso do proxecto foi responsabilidade exclusiva da Xunta de Galicia, que tardou máis de tres anos en redactar o proxecto, logo de que en 2019, en plena campaña electoral municipal, o Partido Popular anunciase publicamente a súa suposta achega do 33 % do financiamento.
Por todo iso, o Grupo Municipal Socialista esixe á alcaldesa e ao actual goberno local que “se centren en reclamar aos seus compañeiros de partido na Xunta de Galicia que cumpran dunha vez cos compromisos adquiridos coa veciñanza de Viveiro”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
