Cervo, 23 de mayo de 2025. O alumnado de 5º e 6º de Educación Primaria do CEIP de Cervo está a participar esta primavera no programa estatal Rutas Científicas, Artísticas e Literarias, unha iniciativa promovida polo Ministerio de Educación, Formación Profesional e Deportes que ten como obxectivo fomentar valores de convivencia, cooperación e respecto á diversidade entre o alumnado de distintos puntos do Estado.
O CEIP de Cervo comparte esta experiencia con outro centro educativo de Granada, o que permite un enriquecemento mutuo tanto a nivel cultural como humano. A actividade na que están a participar é a Ruta 7: País Vasco e Castela e León Oriental, que leva por título “Un viaxe no tempo, da Prehistoria á vangarda”.
Durante esta semana, o alumnado está a realizar un percorrido que combina a ciencia, a arte e a literatura con visitas a lugares de gran valor patrimonial, natural e histórico. A ruta inclúe actividades como:
– A visita á factoría Albaola en Pasaia, onde se constrúe unha réplica dun ballenero coas técnicas tradicionais.
– Percorrido literario polo casco histórico de Donostia, visita ao Museo de Ciencias Eureka e subida ao Monte Igueldo.
– Descubrimento do flysch de Zumaia, a historia ferroviaria no Museo Euskotren en Azpeitia, e unha ruta ata San Juan de Gaztelugatxe.
– Paseos pola ría de Bilbo, visita ao Museo Guggenheim, taller de deportes tradicionais vascos en Sopuerta e exhibición de barrenadores.
– Exploración do patrimonio de Burgos, incluíndo o Museo da Evolución Humana e o xacemento de Atapuerca.
– Finalmente, o grupo visita o Mosteiro de Silos e aspara participar nun concerto didáctico en Covarrubia antes de rematar a ruta.
O programa inclúe tamén dinámicas de convivencia entre o alumnado dos dous centros, momentos de reflexión e aprendizaxe compartida, fomentando así valores como a tolerancia, o respecto e a amizade.
Este tipo de proxectos constitúe unha valiosa oportunidade para complementar os contidos curriculares, ao tempo que se promoven metodoloxías activas e vivenciais que permiten ao alumnado aprender desde a experiencia directa.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
