Viveiro, 23 de maio, 2025. Desde o BNG de Viveiro denuncian “unha nova mostra da política de abandono e recortes do actual goberno municipal”. “A Alcaldesa 60K, Mariña Gueimunde, suprimiu o parque infantil de Portochao, na parroquia de Galdo, sen ofrecer alternativa ningunha nin previsión de renovación. Mantén así a súa liña de recortes nos espazos públicos e na calidade de vida de Viveiro”.
Segundo explica a portavoz municipal do BNG, Miriam Bermúdez, “non só non hai investimento nin proxectos novos, senón que se elimina o pouco que temos. O parque de Portochao desaparece, como se estorbase, nun claro exemplo de que este goberno prefire quitar antes que amañar”.
O parque de Portochao era unha das poucas zonas de lecer da contorna. Agora, coa súa supresión, a parroquia queda sen espazo de xogo, sen renovación e sen alternativa, mentres o goberno municipal continúa sen presentar ningún proxecto que mellore os servizos públicos.
“Nin renova, nin amaña: quita. Recorta en todo, menos no seu soldo”, engade Miriam Bermúdez. “E así seguimos acumulando decisións que empobrecen Viveiro e fan desaparecer o investimento nas parroquias”.
Desde o BNG “esiximos explicacións inmediatas sobre esta decisión e instamos ao goberno local a rectificar, repoñer o parque de Portochao e comprometerse cun plan real de mantemento e renovación dos espazos públicos. Non imos permitir que sigan convertendo Viveiro nun deserto de servizos: sen atención, sen coidado e sen futuro”.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
