Alfonso Villares realizou un percorrido polas instalacións onde puido coñecer o laboratorio de habilidades clínicas, os diferentes equipos de investigación, a sala de necropsias, a aula de realidade virtual e o hospital veterinario
Lugo, 27 de maio de 2025.- A Xunta continúa traballando coa facultade de Veterinaria da Universidade de Santiago de Compostela en Lugo para afondar na colaboración en ámbitos científicos como a formación e investigación relativa á sanidade mariña. O conselleiro do Mar, Alfonso Villares, mantivo un encontro cos responsables do centro académico para estudar distintas propostas como o impulso de conferencias e seminarios, o reforzo da docencia práctica así como o desenvolvemento de accións de divulgación sobre o traballo científico desta facultade sobre ámbito mariño.
O responsable autonómico, acompañado pola directora xeral de Desenvolvemento Pesqueiro, Marta Villaverde, destacou o prestixio da formación impartida por esta facultade que conta co Selo e grao de excelencia autonómico polo que resulta un aliado moi atractivo para a realización de novas iniciativas relacionadas coa sanidade dos recursos pesqueiros. Nesta liña, destacou que os futuros profesionais de veterinaria que se forman aquí están chamados a ter un papel moi relevante no sector do mar da comunidade, esencial á hora de garantir a imprescindible soberanía alimentaria.
Alfonso Villares aproveitou a súa presenza para realizar un percorrido polas instalacións onde puido coñecer o laboratorio de habilidades clínicas, o traballo que desenvolven os diferentes equipos de investigación, a sala de necropsias, a aula de realidade virtual e o hospital veterinario. Uns equipos punteiros que sitúan a esta facultade á vangarda e que reforzan a posición de Galicia como referente complementado o traballo que realizan outros de investigación mariña autonómicos.
O responsable autonómico compartiu co persoal docente a importancia da dieta atlántica como fonte de saúde e benestar e puxo en valor a súa baixa pegada de carbono polo que non só contribúe ao benestar da cidadanía senón tamén do medio ambiente. Por outra banda sinalou a necesidade de explorar iniciativas para avanzar na capacitación na investigación no campo da seguridade alimentaria así como abordar dun xeito transversal a educación nutricional en centros escolares ou hospitais, valorizando as calidades dos produtos pesqueiro no marco de dita dieta atlántica.
Seguridade alimentaria
A facultade de Veterinaria de Lugo colabora co servizo de Inspección e Control dos Recursos da Subdirección Xeral de Gardacostas de Galicia, que conta cunha vintena de veterinarios en activo, na actividade de inspección deste departamento autonómico que conta entre os seus obxectivos o de velar pola seguridade alimentaria dos consumidores. Un traballo conxunto que poderíase estender a outros departamentos como o Instituto Tecnolóxico para o Control do Medio Mariño (Intecmar) no ámbito da investigación e control de toxinas mariñas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
