O Vicedo, 28 de maio 2025. No pleno a celebrar na casa consistorial de O Vicedo este mércores 28 de maio trataranse diversos temas que presenta o BNG e que son demandas dos veciños e veciñas nas que en moitos casos o concello eternízase na resposta ás mesmas.
O portavoz nacionalista Miguel Fraga anuncia que propoñerá á alcaldía a reparación urxente do vial da Paleira, que está nun estado lamentable e une as parroquias de Cabanas (O Vicedo) e Galdo (Viveiro), polo que instará ao alcalde a iniciar conversas co Concello de Viveiro para a reparación desta importante via.
No referido aos viais, o BNG insta tamén ao goberno municipal a proceder á limpeza de maleza na rede viaria local, algo que debera estar previsto, planificado e calendarizado con anterioridade para que os traballos de limpeza sexan eficaces e eficientes.
Accesos ao apeadoiro de Fogueiro en estado deplorable
O vial de acceso ao apeadoiro e á decantadora de Folgueiro precisa dunha reparación urxente, pois o asfalto é xa inexistente, as arquetas presentan un estado deplorable, con tapas soltas e apoios danados, “o que o convirte nun vial totalmente inseguro, polo que non pode haber máis dilación en acometer a obra de reparación, pois leva anos así, e oportunidades houbo para conseguir financiamento para a mesma, coma por exemplo cos Plans da Deputación” afirma Miguel Gómez.
Gómez propoñerá tamén ao goberno municipal presidido por Jesús Novo adoptar medidas para garantir o suministro eléctrico no caso de apagóns, ben por temporais, ou ben por outras causas como pasou o pasado 28 de abril. Para eso propón a implantación de métodos alternativos que alimenten de enerxia en caso de emerxencia os servizos básicos coma o Centro de Saúde, o PAI, o colexio, a Casa do Concello e a infraestrutura de suministro de auga, instalando xeradores eléctricos.
Moción para a creación dun punto limpo para plasticos agrícolas
Esta é unha vella demanda de agricultores, gandeiros, e do Bng, que xa levou o asunto a pleno con anterioridade, sen que o goberno de Jesús Novo fixera absolutamente nada ao respecto. É por eso que os nacionalistas proponen nesta mocion a creación dun punto limpo para plásticos agrícolas, tramitar o seu financiamento co que se percibe do Fondo de Compensación Amblental, e modificar a RPT para ter persoal que poida atender o servizo.
Moción para o mantemento da actividade industrial na facoría de Alcoa
O BNG, despois da reunión mantida na fábrica co Comité de Alcoa e auxiliares, por petición do comité o pasado 21 de marzo, reunión na que participaron o deputado no Congreso Néstor Rego e representantes institucionais do Bng mariñao entre os que estaba tamén o edil vicedense Miguel Fraga, o Bng levou aos concellos da comarca unha moción asuspiciada polo comité e que recolle tamén moitas das propostas que o Bng leva feito ao respecto. A moción do BNG está aprobándose por unanimidade en todos os concellos e é de agardar que no Vicedo tamén.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
