Os deputados lucenses do Partido Popular Jaime De Olano, Francisco Conde e Cristina Abades levarán esta reivindicación ao Congreso e o alcalde do municipio, Dani Vega, anuncia unha iniciativa para o vindeiro Pleno do Concello
Ribadeo, 2 de xuño de 2025. O Partido Popular reclama que o Goberno de Sánchez dote de persoal e medios suficientes á patrulla do SEPRONA (Servizo de Protección da Natureza da Garda Civil) en Ribadeo para o mantemento do servizo desta unidade “ante a súa intención do peche encuberto desta unidade disfrazado de reestruturación”.
Os deputados por Lugo Jaime De Olano, Francisco Conde e Cristina Abades levarán esta reivindicación ao Congreso e o alcalde, Dani Vega, xa anunciou que “levaremos este asunto ao vindeiro Pleno do Concello” porque “non podemos deixar que se perdan servizos en Ribadeo”.
Actualmente, a patrulla conta cun garda civil e un cabo 1º que atenden a oito concellos da Mariña oriental. “O servizo na comarca da Mariña complétase con outra patrulla en Xove e o que reivindicamos é que se manteña o servizo en ambos concellos”, segundo subliñan os deputados nacionais.
Os populares reivindican a labor dos efectivos da Garda Civil na provincia e a importancia da especialidade do SEPRONA. “Pola súa propia natureza, Ribadeo e A Mariña oriental contan con costa e interior que concentran os ámbitos de actuacións do SEPRONA” como son a vixilancia das masas de auga, a pesca e o furtivismo, o benestar animal, a silvicultura, a caza ou o turismo relacionado coa natureza.
Os efectivos deste servizo tamén colaboran con organismos autonómicos e locais como as confrarías, as consellerías, os Concellos e, incluso, con asociacións e protectoras.
A patrulla de Ribadeo atópase “nun dos puntos neurálxicos da comarca”. De feito, a zona concentra importantes actividades relacionadas coa pesca recreativa e o marisqueo, o porto comercial, a agricultura e a gandería, o aproveitamento madeireiro, a práctica da caza ou a protección de monumentos naturais como a praia das Catedrais.
Os deputados do Partido Popular advirten que “a desaparición desta patrulla suporía un prexuízo para Ribadeo e a comarca” e explican que “non responde a criterios lóxicos ou de efectividade, senón a outros criterios coma os políticos ou económicos”. É máis, o último informe do xefe da Comandancia de Lugo solicitaba a publicación de dúas vacantes de garda civil para a patrulla do SEPRONA de Ribadeo de forma prioritaria.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
