Viveiro, 4 de xuño, 2025. O grupo municipal do BNG de Viveiro vén de presentar unha moción para esixir solucións inmediatas ante a grave situación da sanidade pública na comarca, especialmente no centro de saúde de Viveiro, que segue colapsado e continúa con menos da metade da súa plantilla médica cuberta.
Míriam Bermúdez, tenenta de alcaldía e portavoz municipal do BNG, advertiu que “a veciñanza está vivindo situacións dramáticas, con listas de espera de 20 días para unha consulta de atención primaria e sen profesional sanitario de referencia en moitos casos”. Lembrou que a finais de 2023 o centro chegou a abrir con só 2 facultativos de familia dos 11 previstos, sen pediatría, con cinco consultas menos de enfermaría e atendendo unicamente patoloxía urxente. “A Xunta pretende culpabilizar á cidadanía por denunciar a realidade, pero o centro segue colapsado e o abandono é evidente”, engadiu.
A situación é igualmente alarmante no Hospital da Mariña, onde as listas de espera para consultas, seguimentos e intervencións chegan aos cinco anos nalgúns casos, e onde a falta de persoal afecta a practicamente todas as especialidades. Hoxe só están cubertas 4 das 11 prazas de Medicina Interna, 1 das 3 de Anatomía Patolóxica, 1 das 3 de Dixestivo, 1 das 3 de Cardioloxía, 3 das 5 de Radioloxía e hai dúas prazas sen cubrir en Uroloxía. Mentres, os pacientes seguen a ser derivados ao HULA, saturando ese hospital e deixando sen atención axeitada a milleiros de persoas na Mariña.
Pola súa banda, Bea Lage, responsable local do BNG, denunciou a “estratexia planificada do Partido Popular para desmantelar os hospitais comarcais, derivando pacientes ao HULA e precarizando os servizos básicos como a pediatría, que só se mantén pola presión social”.
A moción inclúe a demanda de cobertura total de prazas, a estabilización do servizo de pediatría e o envío do acordo a outros concellos mariñaos para sumar forzas.
O BNG tamén criticou duramente as declaracións recentes do conselleiro de Sanidade, que afirmou nun foro público: “¿Que la gente mayor no sabe de tecnología? Y una mierda, con perdón. La gente mayor maneja la app del Sergas que te cagas”. “Un comentario inadmisible, que mostra o nivel e o desprezo co que se trata á cidadanía desde o goberno galego”, concluíu Bermúdez.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
