Adxudicadas as obras de acondicionamento de 14 quilómetros da LU-P-4905 entre Portomarín e Taboada; a totalidade da LU-P-6003, de Couto a Viloíde en Monterroso; medio quilómetro da LU-P-2703, na Pobra de San Xiao; e á totalidade da LU-P-1104, que vai de Castro de Rei a Cospeito desde Portomuíño a Momán
Lugo, 6 de xuño de 2025. A Xunta de Goberno da Deputación de Lugo celebrada este venres aprobou investir máis de medio millón de euros na mellora de cinco estradas provinciais. Así o informou a Voceira socialista do Goberno, Pilar García Porto, na rolda de prensa celebrada tras a sesión semanal desta mañá. Explicou que as obras afectarán a diferentes vías ao seu paso polos concellos do Corgo, Taboada, Monterroso, Láncara, Castro de Rei e Cospeito.
Licitados por 160.540,19€ os traballos de mellora dun novo tramo do cinto comarcal, a LU-P-16101, á altura do Corgo. Concretamente, con cargo a este investimento, a Deputación acondicionará algo máis dun quilómetro e medio entre Camposo e Pacios, desde o punto quilométrico 9,020 ao 10,725. Os traballos consistirán na reapertura de cunetas, repavimentación con aglomerado en quente, pintado da vía e reposición da sinalización vertical.
O prazo de execución para estas obras será de 3 meses desde o seu inicio. Unha actuación que vén complementar outras que a Deputación rematou nesta vía ao seu paso polo Corgo esta mesma semana. Concretamente, a institución mellorou con medio millón de euros o tramo entre o Alto de Gomeán e a parroquia de Marei, á altura de Maceda. Ademais, García Porto subliñou que a Deputación está a executar traballos na LU-P-1611 entre os concellos de Begonte e Castro de Rei, cun investimento da Deputación de 375.000€.
“Nos últimos cinco anos, a Deputación de Lugo impulsou un total de sete proxectos para mellorar en diferentes tramos o cinto comarcal, esencial para as comunicacións da provincia, cun investimento duns 3,65M€”, valorou a Deputada. Explicou que a institución provincial ten mellorado desde o 2020 máis de 35 quilómetros, case o 30%, da LU-P-1611 ao seu paso por Pol, Castroverde, Cospeito, Castro de Rei, Friol, Lugo, Guntín, O Corgo e Begonte. “Un esforzo inversor importante nunha estrada que conecta un total de 11 concellos nos seus máis de 131 quilómetros”, destacou.
Adxudicadas as obras doutras 4 vías
A Xunta de Goberno celebrada este venres adxudicou tamén as obras doutros tres proxectos para a mellora de catro vías “que virán mellorar a mobilidade da provincia”. Nese sentido, a Deputada explicou que en Taboada, a empresa Ogalia Contratas SL será a encargada da mellora dun tramo de 14 quilómetros da LU-P-4905, que é a estrada que conecta á vila co concello de Portomarín no enganche da vía autonómica LU-633.
Estas obras afectarán ao treito comprendido entre a parroquia de Vilarbasín, en Portomarín –á altura do quilómetro 10- e Bembibre, en Taboada, e consistirán na reapertura de cunetas, saneo da explanada, reparación das imperfeccións, repavimentación e reposición da sinalización vertical. “Uns traballos que mellorarán notablemente as comunicacións entre ambos concellos, xa que é a estrada máis directa entre ambas, e tamén a conexión dos veciños e veciñas das diferentes parroquias ás que dá servizo directo”, explicou Pilar García Porto.
Ademais, a través deste proxecto adxudicado por 211.750€ melloraremos tamén a totalidade da LU-P-6003 que, con algo máis de dous quilómetros, conecta Couto no concello de Taboada con Viloíde, en Monterroso. O prazo para a execución destes traballos en ambas estradas será de 3 meses desde o seu inicio.
En Láncara, a empresa Ovisa Pavimentos y Obras SLU resultou adxudicataria da mellora de medio quilómetro da LU-P-2703, que vai da Pobra de San Xiao a Carracedo por 68.486€. As obras afectarán ao inicio da vía no tramo urbano da Pobra, desde o cuartel da Garda Civil ata o Campo da Feira, e consistirán na reapertura de cunetas, pavimentación e reposición da sinalización vertical e pintado da estrada. Neste caso, o prazo de execución dos traballos será dun mes desde o inicio das obras.
Finalmente entre Castro de Rei e Cospeito, a empresa Construcciones Carballeira SL será a encargada das obras de mellora da estrada LU-P-1104, que é a que conecta os concellos de Castro de Rei e Cospeito desde Portomuiño a Momán. Os traballos afectan á totalidade da estrada -desde o punto quilométrico 0 ao 7,624- e consistirán na reapertura de cunetas, reparación de desperfectos no firme e repavimentación. O prazo para a execución destes traballos será de mes e medio desde que se inicien as obras.
“Unha actuación importante porque esta vía articula o norte do concello de Castro, dando servizo directo á veciñanza de varias parroquias e a diferentes explotacións agrogandeiras”, valorou García Porto.
Convenio Mercado Nadal 2025
Este venres tamén saíu adiante un convenio de colaboración co Concello de Lugo para financiar de forma conxunta o Mercado de Nadal do 2025. Concretamente, a institución provincial achegará 30.000€ e o Concello outros 60.000€ para chegar a un orzamento conxunto de 90.000€ que servirán para financiar a montaxe e desmontaxe da infraestrutura; a decoración do mercado; a ambientación e dinamización; e a publicidade e difusión do mercado.
“A celebración do Mercado de Nadal atrae a visitantes e turistas á cidade de Lugo, o que incrementa as vendas en comercios, restaurantes e postos de venta. O que se traduce nun aumento dos ingresos para os negocios, locais e a xeración de emprego durante a temporada”, explicou a Deputada, que sinalou que ademais a decoración e as actividades fomentan un ambiente alegre e motivan á xente a comprar, polo que é unha excelente oportunidade para impulsar a economía do municipio e fortalecer a comunidade.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
