Alfoz, 11 de xuño de 2025. O Concello de Alfoz quere expresar o seu profundo pesar polo falecemento de Don Jorge Val Díaz, Primeiro Tenente de Alcaldesa desta Corporación, ocorrido o día 10 de xuño de 2025.
Don Jorge Val foi unha figura fundamental na vida política e institucional do municipio. Titular da Alcaldía entre os anos 2015 e 2023 e concelleiro desde 1983 polo Grupo Municipal do PSdeG-PSOE, dedicou máis de catro décadas ao servizo público, sempre guiado por un compromiso cos veciños e veciñas de Alfoz.
En recoñecemento á súa traxectoria e á súa valía tanto política como persoal, a alcaldesa, Efigenia Maseda Paz, vén de asinar un decreto no que se establece:
A declaración de loito oficial durante tres días, nos que as bandeiras dos edificios públicos municipais ondearán a media asta.
A suspensión de actos institucionais municipais con carácter festivo ou de celebración durante ese período.
A convocatoria dun minuto de silencio este martes 11 de xuño, ás 12:00 horas, diante da Casa Consistorial, ao que están convidados todos os membros da Corporación e a cidadanía en xeral.
Desde o Concello de Alfoz “trasladamos as nosas condolencias á familia, amizades e compañeiros de Don Jorge Val Díaz, agradecendo e recoñecendo a súa entrega e dedicación a esta terra”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
