O Goberno galego está analizando en detalle cos asesores xurídicos e o sector a sentenza, que destaca pola súa complexidade e extensión, e estudará a posibilidade de poder recorrer esta decisión xudicial
Santiago de Compostela, 11 de xuño de 2025. A Xunta manifestou a súa decepción coa sentenza do Tribunal Xeral da Unión Europea (TXUE) na que desestima o recurso interposto pola Organización de Produtores Pesqueiros (OPP) de Burela e 16 compañías armadoras propietarias de 21 buques afectados polo veto á pesca de fondo en 87 zonas do Atlántico Nororiental. Dita medida foi motivada pola Comisión pola existencia Ecosistemas Mariños Vulnerables (EMV) ou a posibilidade de que existan nas mencionadas áreas recollidas no anexo II do Regulamento de Execución (UE) 2022/1614.
A Xunta participou neste procedemento en calidade de coadxuvante da parte demandante no que achegou información relevante respecto a que a actividade pesqueira da frota de palangre non causaba efectos adversos significativos nos (EMV). Unha modalidade de pesca que destaca por ser das máis selectivas, sostibles e respectuosas co medio mariño. Tamén aportou información sobre o impacto económico e social desta decisión que afecta a máis do 25% da nosa frota (200 embarcacións de xeito directo e 946 de artes menores de forma indirecta).
Nun primeiro momento, recen coñecida a decisión do TXUE, a conselleira do Mar, Marta Villaverde, fixo unha valoración moi negativa desta resolución que recoñece que o impacto do palangre de fondo é menor respecto ás artes de fondo móbiles (arrastre), e que sinala “a importante envergadura das zonas tapón” nas que se prohibe a pesca. Con todo, ditos elementos non parecen ser suficientes para estimar os recursos. Así, subliñou o apoio incontestable da Xunta ao sector, a quen acompañou o Goberno galego en todo momento, e explicou que a sentenza, que destaca pola súa extensión e complexidade, continuará sendo analizada en detalle nos vindeiros días para estudar a posibilidade de recorrela xunto cos demandantes.
A titular de Mar puxo en valor a actuación da Administración autonómica ao longo de todo o procedemento e reiterou o apoio do Goberno galego ás demandas das entidades do sector afectadas. Tamén sinalou que esta decisión xudicial volve a deixar en evidencia a necesidade de mudar as políticas pesqueiras desenvolvidas no anterior mandato comunitario cara un maior equilibrio entre os factores ambientais, económicos e sociais que permita garantir a sostibilidade e futuro da pesca. Unha actividade extractiva estratéxica para Galicia e o conxunto do continente dado a súa crucial contribución á hora de garantir a soberanía alimentaria.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
