A agrupación socialista aposta pola continuidade dunha etapa centrada no impulso dos servizos sociais, a mellora das infraestruturas e colaboración institucional
Barreiros, 16 de xuño de 2025. A Comisión Executiva Municipal do PSdeG-PSOE de Barreiros foi renovada este fin de semana nunha asemblea celebrada pola agrupación local, na que María Carmen Veiga Rodríguez foi reelixida como Secretaria Xeral. A militancia avalou así o traballo realizado durante os últimos anos desde o goberno municipal, onde exerce como segunda tenente de alcaldesa con responsabilidade na área de Servizos Sociais e do Servizo de Axuda no Fogar (SAF), e tamén desde a dirección política do partido.
A nova executiva socialista de Barreiros combina continuidade e renovación, e queda conformada polos seguintes cargos:
Secretaria Xeral: María Carmen Veiga Rodríguez
Vicesecretario Xeral: Jorge David Vázquez Grande
Secretario de Organización: Ramón Oural Castro
Presidente e Secretario de Administración: Benito Longarela Geada
Secretario de Política Municipal: Miguel Veiga Rodríguez
Secretaria Adxunta a Organización: María Jesús Jover-Peralta Pane
Secretaria de Emprego e Formación: María Soledad Fernández Freire
Secretario de Medio Rural e Medio Ambiente: Juan Bautista Cortiñas Pedreira
Secretario de Dinamización e Cultura: Miguel Ángel Barrera Longarela
Ademais, foron elixidos como Delegados da agrupación ao Comité Provincial Miguel Veiga Rodríguez e Ramón Oural Castro.
A Secretaria Xeral agradeceu o respaldo da militancia e comprometeuse a seguir impulsando un proxecto de progreso para o municipio. “Quero seguir traballando para Barreiros, con responsabilidade, con humildade e con resultados reais para a veciñanza. Estes anos demostramos que é posible facer unha política útil, centrada nas persoas e no fortalecemento dos servizos públicos”, afirmou Carmen Veiga.
Durante estes anos ao fronte da Secretaría Xeral municipal, a agrupación socialista impulsou multitude de melloras para Barreiros grazas á colaboración institucional, especialmente coa Deputación de Lugo. Destacan a renovación do sistema informático do Concello; o asfaltado de catro estradas provincias -tres en San Pedro e unha en Reinante-; as melloras no cableado de terra e outras obras complementarias; a sinatura de convenios en materia de servizos sociais para dotación de camas xeriátricas, grúas e material asistencial; o apoio ao programa municipal de conciliación familiar durante o verán ou a xestión dun novo apeadeiro de ADIF, froito da reunión mantida co Ministerio para a Transición Ecolóxica.
Ademais, a agrupación socialista continúa traballando na promoción de novos proxectos de interese para o municipio, como a construción da nova depuradora de San Miguel, unha infraestrutura clave para a mellora ambiental e sanitaria de Barreiros.
Un dos piares do traballo desenvolvido por Carmen Veiga ao fronte da Secretaría do PSdeG-PSOE de Barreiros foi a mellora integral do Servizo de Axuda no Fogar, que na actualidade funciona cun modelo plenamente público, baseado en condicións laborais dignas para as traballadoras e nunha xestión directa por parte do Concello. Na actualidade, o servizo conta con 20 profesionais contratadas a xornada completa, o que se traduce en 35 nóminas activas, todas baixo o mesmo réxime laboral, con dereitos e obrigas equiparables.
Este modelo permitiu reducir o custo por hora para o Concello ata os 23,21€, fronte aos 25€ que se pagaban anteriormente, asumindo a administración local a maior parte do esforzo económico, xa que a Xunta de Galicia apenas achega 12€ por hora de servizo. Ademais, garantíronse melloras salariais, a aplicación dos pluses correspondentes, o respecto aos descansos regulamentarios e a planificación de quendas con días libres vinculados aos fins de semana traballados, todo iso dentro dunha xornada semanal de 35,5 horas.
“Fixemos un servizo máis humano, máis eficiente e máis xusto para quen traballa e para quen o recibe. Ese é o modelo que queremos defender”, concluíu Carmen Veiga.
A nova executiva asume o compromiso de continuar traballando pola mellora dos servizos públicos, a igualdade de oportunidades e o desenvolvemento sostible de Barreiros, desde a proximidade coa veciñanza, a escoita activa e a cooperación con outras institucións.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
