Lugo, 21 de xuño de 2025. Ante a campaña de ataques persoais e políticos protagonizada hoxe polo secretario xeral do PSOE de Lugo e presidente da Deputación, José Tomé, acompañado por Lara Méndez, Miguel Fernández e Ana González Abelleira, desde o Partido Popular da provincia de Lugo queremos expresar o seguinte:
Rexeitamos con absoluta rotundidade as graves acusacións vertidas contra Elena Candia, presidenta provincial do PP, ás que só se pode responder cunha palabra: indecencia. Usar o arquivo dun procedemento xudicial para lanzar insultos persoais e tentar destruír a reputación dunha representante pública é un exercicio de desesperación política impropia dunha democracia madura.
O Partido Socialista de Lugo está claramente inmerso nun momento de preocupación e tensión interna, e en lugar de ofrecer explicacións polos escándalos que afectan ao seu partido a nivel nacional, opta por atacar a quen actuou conforme á lei e en defensa do interese xeral.
Resulta revelador que, no peor momento para o PSOE a nivel estatal, con múltiples causas xudiciais abertas e coa sombra da corrupción planeando sobre o Goberno –mesmo nunha obra ferroviaria no tramo Monforte-Lugo-, os seus representantes na provincia de Lugo opten por atacar á quen representa a legalidade, a transparencia e a defensa do interese público.
Mentres o PSOE pretende desprestixiar a quen cumpre coa lei, queda cada vez máis claro que estamos ante uns representantes socialistas que, en vez de amparar a quen persegue a corrupción, prefiren homenaxear a presuntos corruptos.
Desde o Partido Popular amosamos o noso total apoio e confianza en Elena Candia, referente de rigor, traballo e compromiso con Lugo e con Galicia. Seguiremos traballando con firmeza, sen deixarnos amedrentar por campañas de desprestixio orquestradas polos mesmos que hoxe están sendo cuestionados pola cidadanía
Desde o PP seguimos apostando pola política útil, polo respecto institucional e pola defensa dos valores democráticos, fronte a quen pretende embarrar o debate público con ataques persoais e cortinas de fume.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
