Ribadeo, 25 de xuño, 2025. Rematou o fin de curso no IES de Ribadeo cheo de actividades, algunhas coa finalidade de poñer en valor o Patrimonio Natural. Por un lado, Francisco Canosa, Doutor en Xeoloxía, pioneiro das Xeorutas e gran divulgador achegouse a Ribadeo, para impartir unha charla sobre a Historia Xeolóxica de Galicia e facer un taller sobre Petroloxía financiado polo Concello de Ribadeo. Primeiro explicou de maneira sinxela e resumida os millóns de anos que fixeron que a nosa terra sexa como é, co seu relevo e cos seus dominios xeolóxicos. A continuación, o alumnado puido identificar cunha sinxela clave, exemplares impresionantes de rochas magmáticas, sedimentarias e metamórficas que forman parte da súa colección propia. Dende lousas e cuarcitas que son as predominantes nesta zona ata gneises ollo de sapo, formación típica galega ou peridotitas, piroxenitas e ecloxitas propias do Complexo Cabo Ortegal e que atraen a xeólogos de todo o mundo por aparecer en superficie rochas propias do manto terrestre.
Por outra banda, para axudar a concienciar sobre a importancia da biodiversidade, levouse a cabo o II Bioblitz no entorno do centro coa axuda de Belén Pérez Teijo. Esta actividade consiste en facer un rexistro intensivo de especies nunha área e tempo determinado empregando a App ObsIdentify de telefono móbil. Os datos súbense automáticamente e tras ser validados, á plataforma internacional Observation coa finalidade de poder facer seguimento de especies en tempo real. Os resultados deste ano foron expostos na XXX Feira da Ciencia destacando a araña saltarina Macaroeris nidicoles, só presente na Península Ibérica e Europa así como un bó número de exemplares de Cardera (Vanesa cardui), a bolboreta que fai a migración máis longa coñecida entre os insectos xa que recorre ata 15000 km en seis xeracións. É dicir, que as bolboretas observadas o día do Bioblitz, estaban facendo unha longa viaxe con parada en Ribadeo.
O IES de Ribadeo agradécelle a Belén Pérez Teijo a súa colaboración. Con actividades deste tipo o alumnado valora non só a biodiversidade senón tamén a importancia da ciencia cidadá que lle permite a persoas non especializadas participar activamente na recollida de datos imprescindibles para a comunidade científica. Tamén está moi agradecido con Francisco Canosa, asiduo colaborador do centro, xa que non cabe dúbida que viaxar ao interior terrestre a través das rochas axuda a valorar o Patrimonio Xeolóxico.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
