Alfoz, 28 de xuño de 2025. O colectivo Alfoz Limpo denuncia publicamente que, un ano despois da recollida masiva de lixo nas cunetas organizada por persoas voluntarias, moitas destas zonas volven presentar un estado lamentable, cheas de residuos de todo tipo.
Na última reunión do grupo, acordouse facer de novo un chamamento á responsabilidade individual e colectiva, rexeitando con firmeza estas condutas incívicas que deterioran o noso entorno natural e a imaxe do noso concello.
Desde Alfoz Limpo apelan á conciencia da veciñanza e dos visitantes para que manteñan limpo o termo municipal e se comprometan co coidado do medio. Non se pode permitir que o esforzo de tantas persoas se bote a perder por actos egoístas e irrespectuosos co ben común.
Así mesmo, o colectivo anuncia que nas vindeiras semanas se programarán novas quedadas para a recollida de lixo, que se comunicarán publicamente a través das redes sociais. Convidan a todas as persoas que queiran colaborar a participar nestas xornadas, que teñen como obxectivo non só limpar, senón tamén concienciar.
“Porque un Alfoz limpo é cousa de todas e todos”.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
O alumnado da escola dará mostra do resultado das moitas horas de ensaio e convida á veciñanza a disfrutar con eles. Durante esta última quincena do mes estase traballando tamén na XXXIX Feira do Bonito, programada para os vindeiros 2 e 3 de agosto. Pódese decir que comeza coa convocatoria do concurso de carteis que ten xa gañadoras: na categoría A (ata 14 anos) Anxela Regal Rico, e na categoría B (maiores de 14 anos) Maite Fernández Cendoya; os seus traballos faranse públicos en poucos días e aparecerán no programa de man e no cartel anunciador da Feira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
