Carlos López Font cuestiona a xestión “opaca, ineficaz e máis preocupada pola propaganda que pola realidade” por parte do PP e reivindica unha economía do mar “sostible, baseada no coñecemento, na innovación e o respecto ao medio mariño
Santiago de Compostela, 1 de xullo de 2025. O portavoz de Pesca do Grupo Socialista, Carlos López Font, acusou hoxe á Consellería do Mar de presentar a Estratexia da economía azul “sen credibilidade nin ambición real”. Font trasladou o seu escepticismo na comparecencia da secretaria xeral técnica que tivo lugar na Comisión de Pesca do Parlamento, á que acusou de presentar un “slogan sen políticas públicas serias, sen protección ambiental efectiva nin apoio aos produtores locais”.
Font reivindicou un modelo “sostible, baseado no coñecemento, na innovación e no respecto ao medio mariño, cunha visión a longo prazo e centrada nas persoas”, e esixiulle á Xunta que “deixe de lado medidas populistas para aplicar políticas estruturais cun impacto real no territorio”. Reclamou por exemplo que cumpran a iniciativa socialista aprobada en febreiro deste ano para que os comedores escolares utilicen produtos de proximidade, sinaladamente peixe de cerco.
Polo contrario, sinalou que o goberno galego presenta medidas “superficiais e electoralistas” como o chamado Bono Peixe, que fomenta o consumo indiscriminado sen diferenciar produtos de proximidade e outros “de orixe dubidosa”. Criticou o modelo de xestión “opaco, ineficaz e máis preocupado pola propaganda que pola realidade”, desaproveitando a “oportunidade histórica para facer do mar galego un verdadeiro motor de desenvolvemento sostible”.
O responsable socialista defendeu prácticas sostibles que equilibren a actividade económica coa protección dos ecosistemas mariños, mellorando a calidade de vida das comunidades costeiras. Cuestionou neste sentido a proposta do PP dende o goberno galego, sinaladamente logo dunha xestión caracterizada pola baixa execución orzamentaria, o desleixo diante do colapso ambiental das rías e a desprotección do sector diante da caída da produción marisqueira.
Lei de Costas
Carlos López Font trasladou as dúbidas do Grupo Socialista diante da xestión da Lei de Costas a partir da entrada en vigor da transferencia de competencias a favor da Xunta, que entra en vigor hoxe mesmo. Advertiu fronte á “permisividade e descontrol” da Xunta en materia urbanística e de ordenación do litoral, no que “favorece intereses especulativos e actividades contaminantes”.
Ademais, o responsable socialista advertiu que o goberno galego asume esta nova competencia sen garantías de que se respecte o principio de conservación do dominio público marítimo – terrestre, nin prevé un reforzo da inspección e control ambiental.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
