Burela, 2 de xullo de 2025. O Concello de Burela lanza unha nova edición do seu ciclo de cine ao aire libre, unha proposta xa consolidada no verán burelés que levará ás principais prazas do municipio sesións gratuítas de cine para todos os públicos durante os meses de xullo e agosto.
A programación comeza este xoves 4 de xullo ás 22:30 horas na Praza do Concello coa comedia familiar ‘El Hotel de los líos’, e continuará o vindeiro 18 de xullo na Praza da Mariña coa película de animación ‘Migración: un viaje patas arriba’, pensada especialmente para o público infantil.
En agosto, o ciclo retómase o día 1 na Praza do Concello coa longametraxe galega ‘+Cuñados’, mentres que o 15 de agosto a cita será na Praza das Casas Baratas coa entrega de animación ‘Chicken Run: Amencer dos Nuggets’, apta para todos os públicos. O programa pecharase o 29 de agosto na Praza da Mariña coa comedia italiana ‘Odio el verano’.
Todas as sesións serán de balde e comezarán ás 22:30 horas,ofrecendo unha alternativa cultural, familiar e segura para gozar das noites de verán ao aire libre.
A concelleira de cultura, Lina Gómez, explicou que “o cine na rúa é xa unha cita esperada do verán en Burela, que permite gozar do bo tempo, do encontro entre veciños e veciñas e do cinema para todos os públicos”. Ademais, animou á veciñanza a participar activamente nesta proposta: “Agardamos que a programación sexa do agrado de toda a xente e que as prazas volvan encherse de ilusión, risas e bo ambiente”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
