A Mariña, 4 de xullo, 2025. Os alcaldes e alcaldesas dos Concellos de Viveiro, Cervo, Xove e O Vicedo mantiveron unha reunión de traballo co xerente da área sanitaria Lugo – A Mariña e Monforte de Lemos, Ramón Ares, para interesarse pola situación da atención sanitaria nos seus respectivos municipios durante os meses de verán.
O xerente expuxo durante o encontro de traballo as principais liñas de planificación asistencial para este período, cunha clara prioridade: garantir a máxima cobertura e calidade na atención á cidadanía, dentro dun contexto marcado pola escaseza absoluta de profesionais dispoñibles para asumir todas as ausencias.
Así, trasladouse aos rexedores o compromiso de realizar todas as substitucións posibles e de manter unha atención axeitada, empregando todos os mecanismos dispoñibles, como as intersubstitucións entre profesionais, a prolongación de xornada e todas as medidas que sexan posibles coa fin de cubrir todo o que se poida.
En relación ao centro de saúde de Viveiro, recordan que se cobren as substitucións das ausencias sempre que é posible e as prazas vacantes están ofertadas para a súa cobertura a través de concurso de méritos.
Tamén aclaran que nin o consultorio de Cervo nin o servizo de Atención Primaria de San Cibrao deixarán de facer actividade programada nin urxente durante estes meses de verán, pois estanse tomando todas as medidas para cubrir as substitucións e vacacións en ambos casos. Ademais, intentarase reforzar a atención no centro de San Cibrao tendo en conta o incremento de poboación que vive esta localidade no período estival.
O centro de saúde de Xove dispón dun médico e unha praza vacante que está sendo substituída sempre que hai profesionais dispoñibles e que se agarda cubrir o antes posible de xeito definitivo.
E no caso do Vicedo, os veciños e veciñas do Vicedo seguen contando coa atención sanitaria que xa tiñan, na que un médico atende á poboación deste municipio.
A ausencia total de especialistas en determinadas especialidades nas listas de substitución dificulta a cobertura das vacantes e ausencias, o que fai necesario unha reestruturación temporal dos recursos asistenciais.
Neste contexto, tanto o xerente coma os alcaldes agradeceron especialmente a colaboración, implicación e responsabilidade dos profesionais sanitarios da comarca, que están a facer posible este esforzo colectivo para manter unha atención sanitaria de calidade durante o verán.
A área sanitaria de Lugo, A Mariña e Monforte continuará traballando en coordinación cos concellos para garantir a mellor resposta posible ás necesidades asistenciais.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
