Os socialistas reuníronse co Presidente da Deputación de Lugo, José Tomé Roca, para dar voz ás principais demandas da veciñanza, como a mellora de estradas, pasos de peóns e actuacións de mantemento
O Vicedo, 5 de agosto de 2025. O Grupo Municipal Socialista do Vicedo mantivo unha reunión de traballo co Presidente da Deputación de Lugo, José Tomé Roca, para trasladarlle as propostas e necesidades recollidas na primeira rolda da iniciativa Escoitámosvos, coa que os socialistas están a visitar as diferentes parroquias do municipio para coñecer de primeira man as inquedanzas e prioridades da veciñanza.
Durante o encontro, os socialistas expuxeron as principais demandas recollidas, como os desbroces, a mellora da rede viaria no municipio ou a instalación dun paso de peóns na rúa Rosalía de Castro para reforzar a seguridade. Tamén abordaron outras cuestións, orientadas a mellorar a calidade de vida no municipio.
A colaboración entre o PSdeG e a Deputación de Lugo xa se traduce en feitos concretos. Ao longo de 2025, o organismo provincial destinará máis de medio millón de euros a distintas actuacións de mellora nas comunicacións do Vicedo. Entre elas, destacan as obras no tramo urbano da estrada LU-P-6405, que dá acceso á praia de Xilloi, cun investimento de 170.000 euros. Ademais, a través do Plan de mellora das estradas 2025, a Deputación investirá case 330.000 euros na rehabilitación do firme das estradas LU-P-6401 e LU-P-6402, que conectan Suegos con Falcoeira e o Vicedo co Cristo de Portapena, pasando pola Cruz da Pardiñeira, respectivamente. As actuacións inclúen a pavimentación con aglomerado en quente, reapertura de cunetas e nova sinalización.
A estas melloras súmase tamén o apoio da Deputación á vida deportiva e social do municipio, con iniciativas como a achega de máis de 16.000 euros á Unión Deportiva Folgueiro. Este acordo permite garantir a continuidade do club e facer fronte a gastos de mantemento das instalacións, equipamento, transporte e arbitraxes, entre outros.
“Nós chamamos ás portas que faga falta para mellorar o noso concello, con propostas construtivas e realistas. E vostede, señor alcalde, que está facendo?”, cuestionaron dende a agrupación.
A iniciativa Escoitámosvos continuará nos vindeiros meses, coa vontade de facer do PSdeG un instrumento útil e aberto á participación, ao servizo da veciñanza. “Fúmonos para agosto coas tarefas feitas: levando as propostas ao Pleno do Concello, reuníndonos cos responsables da Área Sanitaria e tamén coa Deputación. Escoitamos, traballamos e conseguimos feitos concretos para O Vicedo”, concluíron os socialistas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
