Nos últimos dous anos, o Goberno facilitou a mellora deste equipamento público esencial en 15 concellos galegos con 18 millóns de euros
A Coruña, 27 de agosto de 2025. O delegado do Goberno en Galicia, Pedro Blanco, avanzou hoxe a concesión de 9,5 millóns de euros a seis concellos galegos para financiar proxectos de renovación integral dos sistemas e equipos de iluminación pública municipal. Estas axudas veñen de ser adxudicadas polo Ministerio para a Transición Ecolóxica e o Reto Demográfico, a través do Instituto para a Diversificación e Aforro de Enerxía (IDAE).
Pedro Blanco detallou que esta convocatoria beneficia aos concellos de San Sadurniño, Arteixo, Rianxo, Noia, Barreiros e Tui, con importes que oscilan entre os 400 mil euros que acada San Sadurniño e os 3,17 millóns de euros, que corresponden a Tui. Séguenlle en orde o Concello de Barreiros, con 2 millóns de euros; Noia, con 1,8 millóns de euros; Arteixo, con 1,56 millóns de euros, e Rianxo, con 547 mil euros.
O delegado enmarcou esta liña de axudas na aposta do Goberno de Pedro Sánchez por impulsar a transición enerxética a nivel local apoiando aos Concellos na execución de proxectos relacionados coas enerxías limpas e o aforro enerxético. O delegado incidiu en que moitos destes proxectos supoñen unha gran carga nos orzamentos municipais, moi gravosa no caso dos municipios máis pequenos, polo que estas convocatorias, ao igual que outras, como o DUS-5000, son una gran oportunidade para mellorar os servizos públicos e, ao tempo, reducir custos ás administracións locais.
En canto aos proxectos de renovación de iluminación seleccionados, estes conseguirán aforros de enerxía superiores ao 70% mediante a instalación de tecnoloxía LED na súa iluminación pública ou ornamental. Todos eles cumpren coas obrigacións de iluminación, calidade e confort visual regulamentados, contan cun sistema de telexestión para recompilar a información sobre consumos, funcionamento e programación en tempo real, con posibilidade de introducir correccións adaptadas aos usos e hábitos da cidadanía.
A nova iluminación supoñerá unha transformación significativa para os concellos beneficiados, coa redución da contaminación lumínica e do consumo enerxético. Esta propiciará, ademais, unha substancial rebaixa na factura eléctrica anual, que adoita a ser unha das máis relevantes dos gastos municipais.
Segunda convocatoria
O programa de axudas a proxectos de renovación de alumeado público está financiado polo Fondo Nacional de Eficiencia Enerxética (FNEE). As axudas cobren o 100% de cada expediente e consisten en préstamos reembolsables ata 10 anos, incluído un ano de carencia, sen interese nin esixencia de garantías, cun prazo de amortización duns sete anos en condicións normais de prezos da electricidade. Nas dúas convocatorias xa resoltas resultaron beneficiados 15 concellos galegos con 18 millóns de euros de achegas.
O Fondo Nacional de Eficiencia Enerxética (FNEE), que financia estas actuacións, ten como obxectivos esenciais promover e incentivar o uso e aplicación de tecnoloxías limpas, a diversificación de fontes primarias de enerxía, especialmente aquelas de orixe renovable, e a difusión de medidas para a eficiencia enerxética, así como o aforro de enerxía.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
