Viveiro, 2 de setembro, 2025. Viveiro consolidouse este verán como un dos destinos turísticos máis importantes de Galicia, con milleiros de visitantes que encheron as rúas, os establecementos hostaleiros e os comercios locais, asi como as praias e espazos verdes.
“Este éxito non é froito da casualidade, senón do traballo de fondo desenvolvido nos últimos anos polos anteriores gobernos socialistas, concretamente a través da área de Turismo”.
“A anterior Concelleira de Turismo, Marisol Rey, puxo en marcha unha estratexia, sólida, sostida e ambiciosa que apostou por dar a coñecer Viveiro en numerosas feiras nacionais e internacionais. Non se limitou unicamente a Fitur, senón que levou a nosa vila a outros escaparates turísticos de gran relevancia”.
“Viveiro foi pioneiro na participación en feiras turísticas cando outros concellos da Mariña e mesmo da provincia de Lugo non acudían. Grazas a esa aposta abrimos camiño, e despois seguiron máis concellos, o que tamén é positivo para dar a coñecer a comarca da Mariña no seu conxunto”, explicou a voceira socialista María Loureiro.
“Este labor continuado de promoción permitiu ampliar fronteiras, situar e afianzar a Viveiro no mapa turístico e acadar que hoxe sexa un destino recoñecido todo o ano, conseguindo a desestacionalización diversificando os atractivos do municipio e ofertar unha maior variedade de productos durante todo el año, co obxetivo de incentivar a chegada do turismo dunha maneira regular e evitar que se concentre solo por temporadas cortas, co que se consigueu unha gran afluencia de visitantes e beneficios directos para a hostalaría e o comercio local”.
FESTAS PATRONAIS E ACTIVIDADE CULTURAL
Ademais do turismo, este verán tamén deixou un balance positivo no eido festivo e cultural grazas á implicación da veciñanza.
“O PSdeG-PSOE de Viveiro quere agradecer o traballo das diferentes comisións de festas do Concello, pola súa entrega desinteresada na organización dos eventos en cada parroquia”.
“En canto ás Festas Patronais, que durante máis de 20 anos organizou directamente o Concello, este ano un grupo de mozos e mozas de Viveiro asumiron esa responsabilidade. O esforzo de todo un ano deu o seu froito: a veciñanza quedou moi satisfeita e a vila puido gozar duns festexos con identidade propia”.
“O Partido Socialista, nos distintos gobernos locais, sempre defendeu as festas patronais e parroquiais, colaborando en todo o posible. Só no ano 2024, por razóns económicas, non foi viable manter ese apoio”.
“En resumo, Viveiro reafírmase como un destino turístico de referencia grazas á planificación e ao compromiso dos gobernos socialistas, que tamén seguiron apoiando a cultura e as tradicións festivas que forman parte da nosa identidade colectiva”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
