Trabada, 2 de setembro de 2025. O alcalde de Trabada, Rubén García Freije, vén de remitir unha carta ao conselleiro de Facenda e Administración Pública, Miguel Corgos López-Prado, para trasladarlle a preocupación da veciñanza de Fórnea ante a situación da antena de telefonía instalada nesta parroquia.
A finais do ano 2019 o Concello de Trabada solicitou á Amtega (Axencia para a Modernización Tecnolóxica de Galicia) a mellora da cobertura móbil en diferentes zonas do municipio. Froito desta petición, instalouse unha antena en Fórnea, que entrou en funcionamento no mes de marzo de 2025, logo da cesión dunha finca municipal e da adecuación dos accesos por parte do Concello.
Porén, desde o mes de xullo a antena deixou de funcionar. O Concello de Trabada trasladou en reiteradas ocasións a incidencia á Amtega, pero o problema segue sen resolverse.
O rexedor subliña: “Estamos a falar dun servizo básico, fundamental para os nosos veciños e veciñas, que despois de moitos anos de espera por fin viran mellorada a súa cobertura móbil. Conseguimos poñer en marcha a antena en 2025, pero só estivo operativa uns meses. Agora atopámonos outra vez sen este recurso esencial no rural”.
García Freije engade: “O Concello de Trabada seguirá ofrecendo toda a colaboración necesaria á Xunta de Galicia para garantir que a antena volva funcionar canto antes. Non podemos permitirnos dar pasos atrás cando falamos de servizos básicos e de calidade no rural”.
Desde o Concello de Trabada quérese reiterar a disposición total a cooperar con todas as consellerías competentes para mellorar as infraestruturas e garantir que a veciñanza disfrute dunhas condicións de igualdade no acceso ás telecomunicacións.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
